Масжидлар билан ишлаш бўлими
Бўлим мудири Раҳимберди Раҳмонов
|
Қабул вақтлари |
Душанбадан Жумагача |
|
Телефон рақами |
+99871 150-64-12 |
|
Электрон почта |
Ушбу бўлим мамлакатимиздаги масжидлар фаолиятини тартибга солиш ва назорат қилиш, уларнинг эски биноларини таъмирлаш, янгиларини қуриш, масжидларни давлат рўхатидан ўтказиш каби масалалар билан шуғулланади. Мустақилликдан олдин бор-йўғи 84 тага яқин масжид бўлган мамлакатимизда ҳозир 2000 дан зиёд жоме ишлаб турибди. Имом-хатиблар ва уларнинг ноиблари малакасини ошириш ва тажрибасини бойитиш, қайта тайёрлаш учун махсус ўқув курслари ташкил этиш, масжидларга олий ва ўрта махсус маълумотли, иқтидорли кадрларни жалб этиш бўлимнинг асосий вазифаларидир. Бўлим масжидларнинг жойлардаги маҳалла, мактаб, маърифат-маънавият марказлари билан алоқасини йўлга қўйиш каби масалалар билан ҳам шуғулланади. Ёшларнинг маънавий тарбияси, муҳтож, кам таъминланган оилаларга, ногиронларга масжидлар орқали хайрия ёрдамлари каби ишларга ҳисса қўшади.
Бўлим ҳар йили Рамазон ойида масжидларда диёримиз қориларини жалб қилган ҳолда, Қуръони карим хатмларини ташкил этмоқда. Кейинги йилларда республика бўйича 600–700 дан зиёд, Тошкент шаҳрида 100 га яқин масжидда Қуръони карим хатм қилинмоқда. «Йил имоми» кўрик-танлови мунтазам ўтказиб келинмоқда.
Масжидлар билан ишлаш бўлимини турли йилларда Юсуфхон Шокиров, Абдуғани Абдуллаев, Салоҳиддин Муҳиддинов, Фозил қори Собиров, Фозилжон Убайдуллаев, Абдулазиз Мансур, Абдуғани Исмоилов, Ҳомиджон Ишматбеков, Муҳаммадназар Қаюмов бошқаришган. Ҳозир бўлимга Раҳимберди Раҳмонов раҳбарлик қиляпти.
Бўлимда Исҳоқжон Бегматов, Музаффар Камолов ҳамда Сарвар Муҳаммадиевлар фаолият олиб борадилар.
Бўлим фаолиятидан фотолавҳалар:
«Асрларни бирлаштирувчи мерос»: медиафорумда Қуръон, қўлёзмалар ва сунъий интеллектга оид лойиҳалар тақдим этилади
«Ислом цивилизацияси: янги нигоҳ — янги кашфиётлар» Халқаро медиафорумининг учинчи ялпи сессияси 26 август куни «Асрларни бирлаштирувчи мерос. Ислом цивилизациясининг маънавий мазмун-моҳияти» мавзусида бўлиб ўтмоқда. Сессияда Қуръон мероси, қадимий қўлёзмалар, хаттотлик, ҳужжатли кино ҳамда тарихий манбаларни ўрганишда сунъий интеллектдан фойдаланиш масалалари ўрин олган, хабар бермоқда iccu.uz.
Асосий лойиҳалардан бири — «114 Қуръон: ислом олами хаттотлигининг 114 дурдонаси» бўлади. Уни Mueller & Schindler нашриёт уйи вице-президенти Александр Вильгельм тақдим этди. Шунингдек, сессияда «Катта Лангар Қуръони: ҳақиқат ва афсоналар» халқаро лойиҳаси тақдимоти бўлиб ўтди. Уни Ислом цивилизацияси маркази илмий котиби Рустам Жабборов тақдим қилди.
Санкт-Петербург ҳужжатли фильмлар студияси бош директори Алексей Тельнов «Ягона тарихий мерос саҳифалари» лойиҳаси доирасида яратилган «Масжид» фильмининг трейлерини намойиш этди. Исломшунос ва маданият арбоби Кетлин Гёбель иштирокчиларни «Аллоҳнинг 99 исми: Унинг гўзал исмлари орқали Яратганни англаш» ноширлик лойиҳаси билан таништирди.
Алоҳида блок янги технологияларга бағишланади. Сбербанк Истиқболли технологияларни ривожлантириш бошқармаси ижрочи директори Владимир Кох ҳамда Ислом цивилизацияси маркази профессори, бош илмий ходими Зоҳидулло Мунавваров «Сунъий интеллект — қадимий қўлёзмаларни ўқишнинг рақамли калити» лойиҳасини тақдим этади. Дастурдан, шунингдек, «Пайғамбарнинг фазилатлари» китоби ва «Ўзбекистон тарих харитасида: империялар, цивилизациялар, даврлар» лойиҳаси ҳам ўрин олган.
Халқаро мунозара «Жаҳолатдан маърифат сари: стереотиплар ва исломофобияни бартараф этишда медианинг ўрни» мавзусида ўтказилади. Унда Ислом ҳамкорлик ташкилоти, шунингдек, Жазоир, Уммон, Покистон, Саудия Арабистони, Ироқ, Мали ва Ўзбекистоннинг давлат ва халқаро оммавий ахборот воситалари вакиллари иштирок этади.
Бундан ташқари, Ўзбекистон Журналистлар уюшмаси раиси Шуҳрат Ориф «Журналистикада тарих ва сунъий интеллект: меросни онлайн маконда қандай сақлаш мумкин?» лойиҳасини, Ислом цивилизацияси маркази медиа бўлими раҳбари Ўктам Усманов эса «Ўзбекистонни дунёга машҳур қилган олимлар» китобини тақдим этади. Сессия «Дунё Қуръони: хаттотлик анъаналаридан — келажак мероси сари» тақдимоти билан якунланади. Ислом цивилизацияси маркази ҳузуридаги Хаттотлик мактаби директори Ҳабибулло Солиҳ турли мамлакатлар ва ислом хаттотлик мактаблари анъаналарини бирлаштирувчи ноёб Қуръонни яратиш бўйича хаттотлар ўртасидаги Жаҳон танловини эълон қилади.
Форумнинг асосий майдони Ўзбекистондаги Ислом цивилизацияси маркази бўлади. Унда деярли 50 мамлакатдан медиа ва экспертлар ҳамжамиятининг 300 нафар вакили — медиакомпаниялар, ахборот агентликлари ва телеканаллар раҳбарлари, журналистлар, продюсерлар, олимлар ҳамда креатив индустрия мутахассислари иштирок этади.
Ўзбекистон мусулмонлари идораси Матбуот хизмати
