Таълим ва кадрлар тайёрлаш бўлими
Бўлим мудири: Жалолиддин Нуриддинов
|
Қабул вақтлари |
Душанбадан Жумагача |
|
Телефон рақами |
+99871 240-17-98 |
|
Электрон почта |
Бўлим Ўзбекистон мусулмонлари идораси тасарруфидаги Тошкент Ислом институти ва ўрта махсус ислом билим юртларида таълим-тарбия ишларини ташкил этиш ва такомиллаштириш, ўқув юртларининг моддий-техника базасини мустаҳкамлаш, талабаларни ўқишга қабул қилиш тартиб-қоидалари ва режаларини ишлаб чиқиш, қабул ҳамда имтиҳон ҳайъатлари таркибини тасдиқлаш учун тавсия этиш, диний таълимнинг янгича шакл ва услубларини жорий қилиш каби масалалар билан шуғулланади. Мударрислар малакасини мунтазам ошириб бориш, бунинг учун махсус курслар ташкил этиш, талабаларни дарслик, ўқув қўлланмалари ва кўргазмали қуроллар билан таъминлаш, диний таълим бўйича халқаро тажрибаларни ўрганиш, хорижлик ҳамкасблар билан алоқалар ўрнатиш, тажриба алмашиш ҳам бўлимнинг асосий вазифалари сирасига киради.
Истиқлол туфайли диний таълим соҳасини ислоҳ қилиш, ривожлантириш учун кенг имкониятлар очилди. Таълим муассасаларида дарсларни энг замонавий техника воситалари ва кўргазмали қуроллар ёрдамида ўтказиш, талабаларнинг компютер саводхонлигини оширишга алоҳида эътибор қаратилмоқда. Шу мақсадда барча билим юртларида компютерлар ва бошқа замонавий керакли воситалар билан жиҳозланган информатика асосларини ўргатиш хоналари, ахборот-ресурс марказлари ишлаб турибди.
Ўқув юртлари кутубхоналарининг зарур диний, илмий, адабий-маърифий китоблар, дарслик ва ўқув қўлланмалари билан таъминланиши доимий назоратга олинган. Ҳозир мазкур кутубхоналарнинг жами китоб захираси 110 минг жилддан ортиб кетди, уларнинг 40 мингдан зиёди диний адабиётлар, қолганлари дунёвий ва илмий-маърифий нашрлар, қўлланмалардир.
Талабаларнинг ҳар томонлама етук инсонлар бўлиб етишувини кўзлаб билим юртларида ёғоч ўймакорлиги, наққошлик, саҳҳофлик, дурадгорлик, компютер оператори, ҳисобчилик, пазандалик, бичиш-тикиш, зардўзлик каби ҳунарларни ўргатиш ҳам йўлга қўйилган.
Қорилар мусобақаси, “Йил ўқитувчиси”, “Йил кутубхоначиси”, “Моҳир қўллар” кўрик-танловлари мунтазам ўтказиб келинмоқда.
Идора тизимидаги таълим масканларида “Баркамол авлод” дастури бўйича спорт мусобақалари ўтказиш яхши анъанага айланган. Институт ва билим юртларида спортнинг шоҳмот, шашка, кураш, стол тенниси, футбол турлари бўйича мусобақалар ташкил этилмоқда. Якуний босқич “Жар” спорт-соғломлаштириш мажмуида ўтказилиб, ғолиблар махсус совринлар билан тақдирлаб борилади. Шунингдек, ўн йилдан буён таълим тизимида фанлар бўйича ягона олимпиада ўтказишга алоҳида эътибор берилмоқда. Бўлимга ҳозир Жалолиддин Нуриддинов раҳбарлик қилади.
Бўлимда
Дўсматов Акбар Хидирович-Таълим ва кадрлар тайёрлаш бўлими мудири ўринбосари
Ходжаев Умиджон Ражаббоевич- Таълим ва кадрлар тайёрлаш бўлими етакчи мутахассиси
Абдураҳимов Давронбек Мухамадаминович- Таълим ва кадрлар тайёрлаш бўлими мутахассислари фаолият олиб боришмоқда.
Бўлим фаолиятидан фотолавҳалар:
“Сolombo Times”: Ўзбекистонда “Учинчи Ренессанс” ғоясини амалга ошириш давлат сиёсатига айланган
Шри-Ланканинг “Сolombo Times” нашрида “Ўзбекистонда Янги уйғониш даври: келажак технологиялари ёрдамида буюк ўтмишни қайта тиклаш” сарлавҳали таҳлилий мақола эълон қилинди, деб хабар бермоқда “Дунё” АА.
Шри-Ланкалик таниқли журналист Фазан Наваз томонидан ёзилган ушбу материалда сўнгги ўн йилда Ўзбекистонда Президент Шавкат Мирзиёев ташаббуси билан Янги Ўзбекистонни бунёд этиш, “Учинчи Ренессанс” ғоясини амалга оширишга қаратилган ислоҳотлар ва уларнинг самарали натижалари хусусида сўз юритилган.
Муаллифнинг ёзишича, Марказий Осиё марказида сокин, аммо улкан аҳамиятга эга инқилоб юз бермоқда. Бу кураш қурол-яроғ билан эмас, балки қўлёзмалар, музейлар ва микрочиплар ёрдамида амалга оширилмоқда.
Президент Шавкат Мирзиёев раҳбарлигида Ўзбекистон Самарқанд ва Бухоро каби шаҳарлар жаҳон илм-фани, шеърияти ва фалсафасининг етакчи марказлари бўлган Ўрта асрлардаги “Олтин аср” шон-шуҳратини қайта тиклашга интилмоқда.
Бу жараённинг ўзига хос жиҳати шундаки, Ўзбекистон минг йилдан зиёд тарихга эга маданий меросни асраш, қайта тиклаш ва кенг оммага етказиш учун сунъий интеллект ҳамда рақамли технологиялардан фаол фойдаланмоқда.
Нашрда Ўзбекистоннинг бой маданий ва тарихий мероси ҳамда уни сақлаш бўйича ислоҳотларга тўхталиб ўтилган. Қайд этилганидек, бу замин инсоният тарихидаги энг буюк алломаларга бешик бўлган. Астроном ва давлат арбоби Мирзо Улуғбек Самарқандда юлдузларни ҳайратланарли даражада аниқ кузатиш имконини берган расадхона барпо этган. Хоразмдаги Маъмун академияси олимлари эса Европада Ренессанс бошланишидан анча аввал математика ва тиббиёт соҳаларида юксак ютуқларга эришган эди.
Ўзбекистон етакчиси бу тарихий меросни тез-тез тилга олиб, Мирзо Улуғбекни нафақат буюк олим, балки илм-фанни энг юксак қадрият деб билган давлат арбоби сифатида таърифлайди. Давлат раҳбари бугунги янгиланиш жараёнини “Учинчи Ренессанс” деб атаб, уни Ўзбекистоннинг илму маърифат ва маданият маркази сифатидаги мавқеини қайта тиклашга қаратилган умуммиллий лойиҳа сифатида баҳолайди. Тарихчилар таъбири билан айтганда – бу атама минтақада аввал мавжуд бўлган икки буюк юксалиш давридан кейинги навбатдаги уйғониш босқичини англатади.
Муаллифнинг фикрича, Ўзбекистонда Учинчи Ренессанс ғоясини амалга ошириш шунчаки гап эмас, балки давлат сиёсатига айланган.
“Бу улкан мақсаднинг энг ёрқин рамзи жорий йил Тошкентда қад ростлаган Ислом цивилизацияси марказидир. 2026 йил март ойида 40 мамлакатдан ташриф буюрган 1500 дан ортиқ мутахассис иштирокида қуриб битказилган мазкур марказ ўз бағрида ислом оламининг энг ноёб ёдгорликларидан бири – VII асрга мансуб Усмон Мусҳафини сақлайди. Шунингдек, бу ерда илмий лабораториялар, реставрация устахоналари ва архивлар фаолият юритади. Марказ аллақачон дунёдаги энг чиройли янги музейлардан бири сифатида эътироф этилган”, – дея қайд этган журналист.
Материалда таъкидланишича, Ўзбекистон ёндашувининг бошқалардан ажратиб турадиган муҳим жиҳати – бу сунъий интеллектдан иқтисодий тараққиёт воситаси сифатидагина эмас, балки маданий меросни муҳофаза қилиш воситаси сифатида ҳам фойдалаётганидадир.
Сунъий интеллект туризм соҳасини ҳам тубдан ўзгартирмоқда. Бу ташаббус 2026 йилда мамлакатга 12 миллион сайёҳни жалб қилиш режасининг бир қисми ҳисобланади.
Фазан Наваз ўз мақоласини “Учинчи Ренессанс” ўз олдига қўйган мақсадларга тўлиқ эришадими-йўқми, буни вақт кўрсатади. Бироқ бугуннинг ўзидаёқ Ўзбекистон қандай йўлдан одимлаб бораётгани аниқ кўриниб турибди”, – деган сўзлар билан якунлаган.
Ўзбекистон мусулмонлари идораси Матбуот хизмати