МУСТАҲКАМ ОИЛА АСОСЛАРИ
Мустаҳкам оила – жамиятнинг барқарорлиги, тараққиёти асоси. Абдулҳай Турсуннинг “Мустаҳкам оила асослари” китобида ҳамма замонларда долзарб бўлган бу муҳим ижтимоий мавзу кенг ёритилган.
Қашқадарёда 100 нафар ўқувчига мактаб қуроллари совға қилинди
Янги ўқув йили ва мустақиллигимизнинг 35 йиллиги арафасида Қашқадарё вилоятида яна бир хайрли ташаббус амалга оширилди.
Ўзбекистон мусулмонлари идораси вилоят вакиллиги ва саховатпеша юртдошларимиз ҳамкорлигида Қарши шаҳридаги 100 нафар эҳтиёжманд оила фарзандига янги ўқув қуроллари тўпламлари беғараз топширилди.
Қўлида янги портфель ва китоб-дафтар тутган жажжи ўқувчиларнинг юзидаги самимий табассум ва қувонч бу эзгу ишнинг нақадар қадрли эканини кўрсатди. Зеро, илм истаган қалбга қанот бўлиш — энг улуғ савоблардандир.
Тадбир якунида хайрияда ҳисса қўшган барча саховатпеша инсонлар ҳақига дуолар қилинди.
Ўзбекистон мусулмонлари идораси
Матбуот хизмати
