Ғалаба муборак бўлсин!
2016 йил 29 ноябрь куни Ўзбекистон мусулмонлари идораси тизимидаги футбол жамоалари ўртасида “8 декабрь – Конституция куни” муносабати билан ўтказилган футбол турнири ўз якунига етди.
Натижа қуйидагича:
“Ҳазрати Имом” (ЎМИ) 7 – 5 “Минор” (ТШИ)
1-ўрин “Ҳазрати Имом” жамоаси қўлга киритди.
2-ўрин “Минор” жамоаси;
3-ўрин “Кўкалдош” жамоаси;
Футбол турнирида тақдирланган номзодлар:
Энг яхши дарвозабон – Қаюмов Муҳаммадназар (ЎМИ)
Энг яхши ҳимоячи – Ғаниев Абдувосе (“Кўкалдош”)
Энг яхши ярим ҳимоячи – Абдурасулов Шукрулло (ТШИ)
Энг яхши мураббий – Тулепов Айдарбек (ЎМИ)
Энг яхши ҳужумчи – Арзиқулов Собир (ЎМИ)
Энг кўп тўпурар – Парпиев Баҳриддин (“Нашриёт”)
Энг чиройли гол соҳиби – Мубаширов Муҳаммадзоҳид (“Кўкалдош”)
Энг жонкуяр мухлис – Рахматов Азамат
Финал якунида турнирга мезбонлик қилган Ўзбекистон мусулмонлари идораси томонидан барча ўрин эгаллаган жамоалар эсдалик совғалар ва фахрий ёрлиқлар билан тақдирландилар.
ЎМИ ахборот хизмати
Туркий давлатлар муфтийлари 10 га яқин муҳим баёнот ва фатволарни имзоладилар
Хабар берганимиздек, Озарбайжон пойтахти Боку шаҳрида Туркий давлатлар муфтийлари кенгашининг навбатдаги VII йиғилиши бўлиб ўтди.
Йиғилиш якунида Ўзбекистон, Туркия, Озарбайжон, Қозоғистон ва Қирғизистон муфтийлари муҳим йўналишларда 3 та баёнот ва замонавий масалаларга оид 6 та йирик фатвони имзолашди.
Жумладан, «Исломнинг илм-фан ва технологияга ёндашуви» мавзусидаги баёнотда Ислом динида инсоният фаровонлигига хизмат қилувчи барча илмий ва технологик ютуқлар қўллаб-қувватланиши билан бирга, улар юксак ахлоқий мезонлар, адолат ва масъулият тамойиллари асосида ривожланиши шартлиги таъкидланди.
«Мусулмонлиги маълум бўлган шахсни кофирга чиқаришнинг ҳукми» тўғрисидаги баёнотда Ислом таълимотига кўра, калимаи шаҳодат келтириб, қибла аҳлидан бўлган ҳар қандай шахс мусулмон ҳисобланиши ҳамда қилган гуноҳи ёки амалдаги нуқсони туфайли уни куфрда айблаш (такфир қилиш) қатъиян ман этилиши айтилди. Шунингдек, Туркий давлатлар уламолари ушбу баёнотда жамиятда фитна, қон тўкилиши ва низоларга сабаб бўлувчи такфирчилик оқимларига қарши илмий-маърифий курашни кучайтириш, уммат бирдамлигини мустаҳкамлаш зарурлигига эътибор қаратишди.
«Оила қуришга тарғиб қилиш, уни муҳофаза қилиш ва мустаҳкамлашга доир умумий масъулият» баёнотида Ислом таълимотига кўра, оила никоҳ асосига қуриладиган, соғлом авлод ва жамият давомийлигини таъминловчи, инсонга руҳий хотиржамлик ҳамда ахлоқий тарбия берувчи муқаддас муассаса эканига урғу қаратилди. Муфтийлар оила институтини ҳимоя қилиш, ёшларни оилага тайёрлаш ва миллий-маънавий қадриятларни мустаҳкамлашда бирдамликка чақирдилар.
Шунингдек, муфтийлар томонидан «Битта қабрга бирдан ортиқ маййитни дафн этишнинг ҳукми», «Ижарага берилган деҳқончилик ерларининг ушри», «Фатво сўраш ва фатво беришда сунъий идрокдан фойдаланиш масаласи», «Жума намози дуруст бўлишининг шартлари», ҳижрий ой бошланишини аниқлаш мезонлари ва такфир масаласига доир 6 та фатво матни имзоланди.
Ўзбекистон мусулмонлари идораси Матбуот хизмати
