Жаннатни икки марта сотиб олган саҳобий
Сийрат китобларида тириклик чоғида жаннатни икки марта сотиб олган киши ҳақида сўз юритилган. Бу улуғ зот ҳақида ўзларининг ҳам асрлари бўлган буюк саҳоба Абу Ҳурайра розияллоҳу анҳу қуйидагиларни айтган
Абу Ҳурайра розияллоҳу анҳу: "Усмон жаннатни Пайғамбаримиз соллаллоҳу алайҳи васалламдан икки марта сотиб олди. Биринчиси, мусулмонлар учун "Рувма" қудуғини қазиб Аллоҳ йўлида ҳадя қилди. Иккинчиси, Аскарларнинг қийналиб қолганларини Аллоҳ йўлида ўз ҳисобидан таминлади", дедилар.
Ҳа Усмон розияллоҳу анҳу шунақа саховатли зот эдилар. Пайғамбаримиз соллаллоҳу алайҳи васаллам вафот этганларидан кейин мусулмонларга қаҳатчилик келди. Ўша пайтлари Усмон розияллоҳу анҳу четдан мол олиб келиб тижорат билан шуғулланар эдилар. Айни қаҳатчилик пайти мадиналик мусулмонлар йўқчиликдан тинкаси қуриб мадори қолмаган бир вақтда мадинада "Усмоннинг карвони жуда катта мол билан Мадинага кириб келяпди", деган гап тарқалди. Мадинадаги пулдор одамлар дарҳол карвонга пешвоз чиқиб, ҳали мадинага кирмаган карвондаги барча молни сотиб олишга урунишди. Усмон розияллоҳу анҳу уларга: "Молларим инсонларга жуда керакли. Мадинага олиб кирсам бир зумда сотиб олишади. Ким қанча беради", дедилар. Улар: "Мадинадаги нархдан бир баравар кўп берамиз", дейишди. Усмон розияллоҳу анҳу: "Йўқ. Бу кам", дедилар. Улар: "Икки баравар", дейишди. Усмон розияллоҳу анҳу: "Йўқ Бу ҳам кам", дедилар. Шу йўсинда улар "Бирга тўрт ёки беш баравар кўпайтириб берамиз, бундан бошқа, ортириб бера олмаймиз, бундан ошиқча берадиган одамни Мадинадан топа олмайсан дейиши. Усмон розияллоҳу анҳу: "Мен бирга ўн қилиб берадиганни топдим", дедилар. Улар ҳайратланиб ким экан ўша бойвачча, дейишди. Усмон розияллоҳу анҳу: "У Аллоҳдир. Гувоҳ бўлинг манашу карвондаги барча молларим Аллоҳ йўлида мадиналикларга ҳадя", дедилар.
Ҳа тириклигида жаннат йўлланмасини қўлга киритган ва Пайғамбаримиз томонларидан: "Усмон энди нима қилса қилаверсин, мен ундан розиман", деб айтилган хушхабарни эшитган, бу шахс Усмон розияллоҳу анҳу эдилар.
Аллоҳ барчамизни тўғри йўлга бошласин, ва жаннатидан жой ато қилсин. Омин!!!
Нурмуҳаммедова Васила
Матбуот – жамият кўзгуси
Оммавий ахборот воситаси – жамият кўзгуси, миллатнинг юзи. Унинг зиммасида кенг жамоатчиликни фикрлашга чорлаш, тарбиялаш, дунёқарашни бойитишдек масъулият туради.
Кейинги йилларда мамлакатимизда ҳуқуқий демократик давлат ва фуқаролик жамияти барпо этишнинг муҳим шарти бўлган оммавий ахборот воситаларини ривожлантириш, уларнинг моддий-техник базаси ва кадрлар салоҳиятини мустаҳкамлаш, сўз ва матбуот эркинлигини таъминлаш, соҳа вакилларини ҳар жиҳатдан қўллаб-қувватлашга бўйича кенг кўламли ишлар амалга оширилмоқда.
Шу муносабат билан бугун Ўзбекистон халқаро исломшунослик академиясида "Матбуот – жамият кўзгуси" мавзусида давра суҳбати бўлиб ўтди.
Мазкур тадбир 27 июнь – Матбуот ва оммавий ахборот воситалари ходимлари куни муносабати билан ташкил этилди. Унда Ўзбекистон халқаро исломшунослик академияси ректори Музаффар Комилов, ОАВ вакиллари, Академия ўқитувчи ва ходимлари иштирок этди.
Сўзга чиққанлар сўнгги йилларда юртимизда сўз эркинлигига бўлган эътибор янги даражага кўтарилганини қайд этишди. ОАВ демократик қадриятларни қарор топтириш, дунёда ва мамлакатимизда содир бўлаётган ижтимоий-сиёсий жараёнлар, воқеа-ҳодисалар ҳақида тезкор ва ҳаққоний маълумотлар етказиш, Янги Ўзбекистоннинг демократик қиёфасини шакллантиришда муҳим роль ўйнаётганини таъкидлашди.
Дарҳақиқат, давлатимиз раҳбари соҳа вакилларининг меҳнатини доимо эътироф этар эканлар, шундай фикрларни билдирган эдилар:
"Биз бугун ҳуқуқий демократик давлат қураётган эканмиз, журналистиканинг бутун дунёда эътироф этилган, ўзгармас талаб ва мезонларига амал қилишимиз зарур. Бу мезонларнинг энг асосийси – холислик ва ҳаққонийликдир. Бинобарин, матбуот майдонига кирган инсон – у журналист бўладими, блогер бўладими, бундан қатъи назар – ана шу қоидаларга амал қилиши шарт".
Учрашув давомида "Янги Ўзбекистон" ва "Правда Востока" газеталари бош муҳаррири Салим Дониёров, "Жадид" газетаси бош муҳаррири Иқболжон Мирзаалиев, Адлия вазири маслаҳатчиси, блогер Шаҳноза Соатова ҳамда "Зиё" медиа маркази директори Абдуҳамид Мухторов сўзга чиқиб, ўз фикр-мулоҳазаларини билдирдилар.
Шундан сўнг юртимизда диний-маърифий соҳада амалга оширилаётган кенг кўламли ислоҳотлар ҳамда ёш авлоднинг баркамол вояга етиши, халқаро стандартлар асосида таълим олиши, илм-фан, касб-ҳунар чўққиларини эгаллаши ҳамда халқимиз маънавий-маърифий юксалиши борасидаги янгиланишларни кенг жамоатчиликка самарали етказишда Академия билан фаол ҳамкорлик қилиб келган бир гуруҳ ОАВ ходимларни байрам муносабати билан тақдирлаш маросими ўтказилди.
Бир гуруҳ журналистларга ташаккурнома ва эсдалик совғалари топширилди.
Ўзбекистон халқаро исломшунослик академияси
Матбуот хизмати
