Германиянинг Гёттинген шаҳрида бўлиб ўтган Бутунжаҳон немис тили олимпиадасининг финал босқичида ҳамюртимиз Райёна Иброҳимова биринчи ўринни қўлга киритди, деб хабар беради "Дунё" АА мухбири.
Жорий йилнинг 15-22 июль кунлари дунёнинг 62 давлатидан 14 ёшдан 17 ёшгача бўлган 100 дан ортиқ ўқувчи иштирокида ўтказилган немис тили бўйича халқаро мусобақада Андижон шаҳридаги 4-мактаб ўқувчиси Райёна Иброҳимова барча босқичлардан муваффақиятли ўтиб, тегишли даража бўйича биринчи ўринни қўлга киритди.
"Биз билан бирга бўлинг! Билим олиб келажакни яратинг" шиори остида ўтказилган беллашувларда юртдошимиз билан биргаликда Маҳек Хон (Бангладеш) ва Ана Котевскалар (Шимолий Македония) ҳам тегишли тил даражаларда олимпиада ғолиблари бўлишди.
Халқаро мусобақада нафақат ўқувчининг немис тили бўйича билимлари, балки маданиятлараро компетенцияси, жамоада ишлай олиш ҳамда ижодкорлик қобилиятлари баҳоланди.
Таъкидлаш жоизки, Бутунжаҳон немис тили олимпиадаси (IDO) ҳар икки йилда Гёте-Институт томонидан Халқаро немис тили ўқитувчилари ассоциацияси билан биргаликда ташкил этилади.
IDO – 2024 Гёттинген шаҳри обербургомистри Петра Бройстедт ҳомийлиги остида Гёттинген университети Билимлар музейи ҳамда Билимлар форуми билан узвий ҳамкорликда ўтказилди.
Ўқувчиларга ўз мамлакатларидан энг маҳоратли немис тили ўқитувчилари ҳамроҳлик қилди. Олимпиада кунлари ўқитувчилар учун немис тилини хорижий тил сифатида ўқитиш соҳасидаги энг янги педагогик технологиялар бўйича малака ошириш семинарлари ташкил этилди.
Бутунжаҳон немис тили олимпиадаси биринчи маротаба 2008 йилда Дрезден шаҳрида ўтказилган. Олимпиада ҳар икки йилда Германияда Гёте-Институти жойлашган шаҳарларда ташкил этилади. Ушбу билимлар беллашувига ҳозиргача Берлин, Гамбург, Франкфурт-Майн ва Фрайбург шаҳарлари мезбонлик қилган.
Ўзбекистон мусулмонлари идораси
Матбуот хизмати
Устоз – жамиятни олға бошловчи ва унинг эртанги кунини таъминловчи, таъбир жоиз бўлса, бир йўлчи юлдузлардир. Устозсиз ҳеч бир жамият камолга етмаган. Шунинг учун ҳам халқимизда “Устоз отангдек улуғ” деган чиройли иборалар бор. Шундай экан, устознинг ҳам ота-онадек ҳақлари бор.
Пайғамбаримиз соллаллоҳу алайҳи ва саллам мураббийларга олимларни ҳурматлаш, муаллим ва устозларни улуғлаш борасида кўпгина қимматли кўрсатмалар берганлар.
Имом Аҳмад, Имом Табароний ва Ҳоким Убода ибн Сомитдан розийаллоҳу анҳу ривоят қилади. Расулуллоҳ соллаллоҳу алайҳи ва саллам: “Кексаларимизни улуғламаган, кичикларимизга меҳрибон бўлмаган ва олимларимизни (ҳақини) билмаган менинг умматимдан эмас”, дедилар.
1-октябрь – ўқитувчи ва мураббийлар куни муносабати билан қорақалпоғистонлик диний соҳа ходимларимиз Қорақалпоғистон мусулмонлари қозиёти тизимидаги масжидларда кўп йиллар давомида хизмат қилган, бугунги кунда нафақада бўлган нуроний имом домлалар ҳолидан хабар олиб, байрам билан қутлади.
Қорақалпоғистон мусулмонлари қозиёти
Матбуот хизмати