13 Январ, 2025, 13 Ражаб, 1446
13 Январ, 2025, 13 Ражаб, 1446
Шу йил 4 август куни Саудия Арабистонининг Макка шаҳрида дунёнинг 60 та давлати вакиллари иштирокида Ислом олами давлатларининг Ислом ишлари ва вақфлари вазирларининг “Мўътадиллик тамойилларини тарғиб қилиш ва қадриятларни мустаҳкамлашда Ислом ишлари ва вақфларининг ўрни” мавзусидаги IX халқаро конференция ўз ишини бошлади.
Мазкур конференцияда Ўзбекистон делегацияси сифатида Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов ва “Вақф” хайрия жамоат фонди раҳбари Исохон домла Абдуллаев иштирок этмоқда.
Ислом ишлари ва вақфлар вазирларининг жорий IX халқаро конференцияси Саудия Aрабистони Ислом ишлари, даъват ва ҳидоят вазирлиги томонидан ташкил этилмоқда.
Анжуманнинг кўплаб сессиялари мавзулари умуминсоний қадриятлар ва биргаликда яшаш қадриятлари, ислом ва мусулмонларга нисбатан нафратнинг намоён бўлиши муаммоси, экстремизм, радикализм ва терроризм кўринишларига қарши курашга оид фатволар бериш ва мусулмон уламолари малакасини оширишдан иборат.
Барча мунозараларнинг марказий мавзуси диний нутқни замон талабларига мос равишда янгилаш, жумладан, фатво бериш жараёнида замонавий ахборот воситалари ва маданий глобаллашув шароитида исломий ўзликни англашдан иборат.
Ўзбекистон мусулмонлари идораси
Матбуот хизмати
Мақоланинг аудио шакли
Саҳобалар ичида энг зеҳни ўткири Абу Ҳурайра розияллоҳу анҳу айтадилар: “Кунлардан бирида бозорга бордим. Одамларнинг мол-дунё билан овора эканликларини кўриб уларга:
– Сиз бу ерда савдо-сотиқ билан машғулсиз, Расулуллоҳ соллаллоҳу алайҳи васалламнинг мерослари тарқатилаётганидан хабарингиз йўқми? – дедим. Савдогарлар қўлларидаги молларини ташлаб:
– Йўқ, қаерда? – деб ҳовлиқиб сўрадилар.
– Фалон масжидда, – деб жавоб бердим. Улар шошиб масжид томон югуриб кетишди.
Аммо бироздан сўнг қайтиб келиб:
– Нега бизни алдадингиз? Масжидда ҳеч қандай мерос тарқатилмаяпти-ку? –дейишди.
Мен:
– Қандай қилиб? Ахир масжидда кимларни кўрдингиз? – деб сўрадим.
Улар:
– Қуръон ўқиётган қориларни ва ҳадис ўрганаётган толиби илмларни, –дейишди.
– Ана шу Расулуллоҳ соллаллоҳу алайҳи васалламнинг меросларидир, – деб жавоб бердим.
“Ўзимдан сўнг сизга икки нарса қолдирдим, агар уларни маҳкам тутсангиз ҳаргиз адашмайсиз. Улар Аллоҳнинг китоби ва Пайғамбарнинг ҳадисидир”, деган севикли Пайғамбаримиз Муҳаммад соллаллоҳу алайҳи васалламга салавоту саломлар бўлсин”.
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 