Шу йил 9-21 август кунлари Саудия Арабистони Подшоҳлиги Ислом ишлари, даъват ва иршод вазирлиги томонидан Подшоҳ Абдулазиз номидаги 44-халқаро Қуръони каримни ёдлаш, тажвид ва тафсири мусобақаси ўтказилмоқда.
Мазкур нуфузли қорилар беллашувида Ўзбекистон номидан Диний идора тасарруфидаги Мир Араб ўрта махсус ислом билим юрти талабаси Муҳаммад қори Ғуломов Қуръони каримни тажвид қоидаси асосида тўлиқ ёддан ўқиб бериш йўналишида иштирок этмоқда.
Маълумот ўрнида, Муҳаммад қори Салоҳиддин ўғли 2001 йилда Наманган шаҳридаги “Олтитош” маҳалласида туғилган. 2014 йилда Қуръони каримни тўлиқ ёд олган. Шундан сўнг қарийб 10 йилдан буён юртимиз масжидларидаги хатми Қуръон тадбирларида иштирок этиб келади. Ҳозирда Мир Араб мадрасасининг 3-босқич талабаси.
Аллоҳ таоло ўзбекистонлик қорига Ўзи ёр ва мададкор бўлсин!
Ўзбекистон мусулмонлари идораси
Матбуот хизмати
Устоз – жамиятни олға бошловчи ва унинг эртанги кунини таъминловчи, таъбир жоиз бўлса, бир йўлчи юлдузлардир. Устозсиз ҳеч бир жамият камолга етмаган. Шунинг учун ҳам халқимизда “Устоз отангдек улуғ” деган чиройли иборалар бор. Шундай экан, устознинг ҳам ота-онадек ҳақлари бор.
Пайғамбаримиз соллаллоҳу алайҳи ва саллам мураббийларга олимларни ҳурматлаш, муаллим ва устозларни улуғлаш борасида кўпгина қимматли кўрсатмалар берганлар.
Имом Аҳмад, Имом Табароний ва Ҳоким Убода ибн Сомитдан розийаллоҳу анҳу ривоят қилади. Расулуллоҳ соллаллоҳу алайҳи ва саллам: “Кексаларимизни улуғламаган, кичикларимизга меҳрибон бўлмаган ва олимларимизни (ҳақини) билмаган менинг умматимдан эмас”, дедилар.
1-октябрь – ўқитувчи ва мураббийлар куни муносабати билан қорақалпоғистонлик диний соҳа ходимларимиз Қорақалпоғистон мусулмонлари қозиёти тизимидаги масжидларда кўп йиллар давомида хизмат қилган, бугунги кунда нафақада бўлган нуроний имом домлалар ҳолидан хабар олиб, байрам билан қутлади.
Қорақалпоғистон мусулмонлари қозиёти
Матбуот хизмати