Сайт тест ҳолатида ишламоқда!
20 Декабр, 2024   |   19 Жумадул сони, 1446
search icon
Aввалги сайт

Тошкент шаҳри
Бомдод
06:19
Қуёш
07:45
Пешин
12:26
Аср
15:16
Шом
17:00
Хуфтон
18:20
Bismillah
20 Декабр, 2024, 19 Жумадул сони, 1446
Aввалги сайт
#search
 YouTube
Янгиликлар

Диний идора раиси ўринбосари халқаро анжуманда қатнашди

15.08.2024   3168   1 min.
Диний идора раиси ўринбосари халқаро анжуманда қатнашди

Шу йил 14 август куни “Марказий Осиё халқларининг XXI асрдаги яхши қўшничилик маданияти” мавзусида масофавий анжуман бўлиб ўтди.

Ушбу онлайн тадбирда хориж ва минтақадаги илмий тадқиқот марказлари, Диний идоралари ва таълим муассасалари вакиллари иштирок этди.

Мазкур масофавий учрашувда Ўзбекистон мусулмонлари идораси раиси ўринбосари, Тошкент ислом институти ректори, профессор Муҳаммадолим домла Муҳаммадсиддиқов ҳам маъруза билан қатнашди.

Муҳаммадолим домла маъруза аввалида халқаро анжуман иштирокчиларига Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг салом ва эзгу тилакларини етказди.

Шундан сўнг Диний идора раиси ўринбосари бугунги мураккаб дунёда яхши қўшничилик муносабатларининг аҳамияти, сўнгги йилларда Марказий Осиё давлатлари ўртасида ўзаро жуда яқин алоқалар ўрнатилгани, мазкур ислоҳотлар динимизнинг эзгу таълимотларига ҳамоҳанг экани ҳақида нутқ сўзлади.

Якунда иштирокчилар мазкур масофавий халқаро анжуман мавзуси ва ўтказилиш вақти ниҳоятда аҳамиятли бўлгани, унда нотиқлар мавзу доирасида қизиқ маълумотлар ва ажойиб ташаббуслар илгари сургани эътироф этилди. Шунингдек, бундай тадбирларни тез-тез ўтказиб туриш таклиф этилди.  

Ўзбекистон мусулмонлари идораси
Матбуот хизмати

Диний идора раиси ўринбосари халқаро анжуманда қатнашди Диний идора раиси ўринбосари халқаро анжуманда қатнашди Диний идора раиси ўринбосари халқаро анжуманда қатнашди
Ўзбекистон янгиликлари
#logo
Бошқа мақолалар

....маошимдан кесиб қолинсин...

19.12.2024   3743   1 min.
....маошимдан кесиб қолинсин...

Бисмиллаҳир Роҳманир Роҳийм

Девбанддаги “Дорул улум” номини эшитган бўлсангиз керак. Охирги пайтда Аллоҳ таоло бу идорани уммат учун раҳмат қилиб қўйди. У ердан саҳобаи киромларни ёдга соладиган одамлар етишиб чиқдилар. 

Мен падари бузрукворим Муфтий Муҳаммад Шафеъ қоддасаллоҳу сирроҳдан эшитганман. Девбанддаги “Дорул улум”нинг аввалги даврида устозларнинг бир одатлари бор эди: “Дорул улум”га бирор меҳмон бирортаси билан учрашиш учун келса, келган вақтини қайд қилинар, кейин ой охирида, фалон-фалон кунларда меҳмон билан машғул бўлдим, шунча вақт “Дорул улум” ишидан чалғидим, шунинг учун менинг маошимдан кесиб қолинсин, деб илтимоснома тақдим қилар эдилар...

Ҳозирги кунда ойликни оширишни сўраганлари ҳақида кўп эшитасиз. Лекин, мен идорага тегишли муддатда шунча вақтни шахсий ишимга сарф қилдим, шу сабабли маошимдан қирқиб олинсин, деб илтимос қилган бирор кимса ҳақида эшитмайсиз. Бу ишни фақатгина бир кун Аллоҳ таолонинг ҳузурида туришни ўйлаган шахсгина қила олади.

Бугун ҳар бир шахс уятдан бошини эгиб қарасин, ишчилар ва ходимлар қанча вақтни виждон ила ўз вазифаларини адо этишга сарф қиляпти? Бугун ҳар жойда фасод тарқаган. Халқ саргардон ва идоранинг ташқарисида қуёшда турибди. Масъуллар эса, ўзининг салқин хонасида гап сотиш билан банд, чой ичяпти, нонушта қиляпти. Бу тарздаги ишларда бир тарафдан, маош ҳаром бўляпти ва иккинчи тарафдан халқни сарсон қилиш гуноҳи ёзиляпти.

“Насиҳатлар гулдастаси”дан.