Айни кунларда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчиликларидаги бир гуруҳ уламолар Республикамиз бўйлаб халқимиз вакиллари иштирокида маънавий-маърифий тадбирлар, юзма-юз мулоқотлар ва жонли савол-жавоблар ўтказмоқдалар.
Шу йил 14-15 август кунлари Муфтий ҳазратлари Тошкент шаҳар Олмазор туманидаги аҳоли вакиллари билан маърифий учрашувлар ўтказдилар.
Шайх Нуриддин Холиқназар ҳазратлари йиғилганларга юртимизда диний соҳада олиб борилаётган ўзгаришлар, янги очилган масжид-мадрасалар, Қуръони карим курслари, ҳаж-умра сафарларидаги қулайликларни сўзлаш баробарида тинчлик-ҳамжиҳатликнинг қадрига етиш, қариндошлик алоқаларини мустаҳкамлаш, ёшларнинг таълим-тарбиясига эътибор бериш, ота-онага хизмат қилиш, бировнинг ҳаққидан қўрқиш, амалларга риё аралаштирмасдан холис Аллоҳ учун қилиш фазилати ҳақида маъруза қилиб бердилар.
Муфтий ҳазратлари Ислом моҳиятини тўғри англаш, кишилар мусулмон уммати сифатларига муносиб бўлиши, ҳадиси шарифларда баён этилган комил мўмин фазилатлари билан зийнатланиши, ҳар ишда мўътадиллик, одамлар орасида саломни кенг ёйиш каби динимизнинг эзгу таълимотларига амал қилишга чақирдилар.
Мазкур маърифий учрашув ва тўғридан-тўғри савол-жавоблардан аҳоли ўз миннатдорликларини изҳор этди.
Ўзбекистон мусулмонлари идораси
Матбуот хизмати
Устоз – жамиятни олға бошловчи ва унинг эртанги кунини таъминловчи, таъбир жоиз бўлса, бир йўлчи юлдузлардир. Устозсиз ҳеч бир жамият камолга етмаган. Шунинг учун ҳам халқимизда “Устоз отангдек улуғ” деган чиройли иборалар бор. Шундай экан, устознинг ҳам ота-онадек ҳақлари бор.
Пайғамбаримиз соллаллоҳу алайҳи ва саллам мураббийларга олимларни ҳурматлаш, муаллим ва устозларни улуғлаш борасида кўпгина қимматли кўрсатмалар берганлар.
Имом Аҳмад, Имом Табароний ва Ҳоким Убода ибн Сомитдан розийаллоҳу анҳу ривоят қилади. Расулуллоҳ соллаллоҳу алайҳи ва саллам: “Кексаларимизни улуғламаган, кичикларимизга меҳрибон бўлмаган ва олимларимизни (ҳақини) билмаган менинг умматимдан эмас”, дедилар.
1-октябрь – ўқитувчи ва мураббийлар куни муносабати билан қорақалпоғистонлик диний соҳа ходимларимиз Қорақалпоғистон мусулмонлари қозиёти тизимидаги масжидларда кўп йиллар давомида хизмат қилган, бугунги кунда нафақада бўлган нуроний имом домлалар ҳолидан хабар олиб, байрам билан қутлади.
Қорақалпоғистон мусулмонлари қозиёти
Матбуот хизмати