Бу ХХ-XXI аср мобайнидаги ўзбек тилида бўлган еттинчи таржима ҳисобланади. Анворул Қуръон: Файзул Фурқон китоби Ўзбекистондаги Ислом цивилизацияси марказининг Ислом дини меросини сақлаш бўлими бошлиғи, Ўзбекистон Республикасида хизмат кўрсатган ёшлар мураббийси Мирзо Кенжабек томонидан таржима қилинди ва нашрга тайёрланди.
Шу йил 23-27 август кунлари Тошкент ва Самарқанд шаҳарларида бўлиб ўтадиган “Буюк аждодлар мероси – III ренессанс даври асоси” VIII халқаро конгрессда ушбу таржима нашрнинг тақдимоти ўтказилиши режалаштирилган.
cisc.uz
Бисмиллаҳир Роҳманир Роҳийм
Ҳақиқий бахтли инсон – бошқаларни қўйиб, ўзининг айбу нуқсонларини ислоҳ қилиш билан банд бўлган кишидир.
Ҳақиқий бахтли инсон – тирикликни қадрига етиб, бу дунё ўткинчи эканлиги, абадий эмаслигини англаган кишидир.
Ҳақиқий бахтли инсон – Аллоҳни доим зикр қилиб юрадиган, камчилик ва хатоларига истиғфор айтадиган кишидир.
Ҳақиқий бахтли инсон – гапирганда ҳам, эшитганда ҳам фақат ҳудди меваларнинг энг тотлисини танлагандек, энг ёқимлиларини сўзлайдиган ва тинглайдиган кишидир.
Ҳақиқий бахтли инсон – умидсизликка тушмайдиган, бирор мусибат етганда уни тақдирдан деб биладиган, қўлдан кетган нарсага ачинмайдиган кишидир.
Ҳақиқий бахтли инсон – Аллоҳни зикр қилганда қалби ором оладиган, гарчи турмуши танг ҳалатда бўлсада ўзгаларнинг назарида шоду хуррам юрган кишидир.
Ҳомиджон домла ИШМАТБЕКОВ