18 Май, 2025, 20 Зулқаъда, 1446
18 Май, 2025, 20 Зулқаъда, 1446
Бугун Имом Термизий халқаро илмий-тадқиқот маркази директори, тарих фанлари бўйича фалсафа доктори (PhD) Жониев Музаффархон Сурхондарё вилояти делегацияси билан бирга Малайзиядаги Қиролича Ража Зарит София номидаги Ислом тадқиқотлари маркази раҳбари доктор Моҳд Ҳилми Бин Рамли билан учрашуви бўлиб ўтди.
Учрашувда Имом Термизий халқаро илмий-тадқиқот марказининг хозирги кунда олиб борилаётган илмий фаолият натижалари, алломалар меросини ўрганиш йўналишида амалга оширилган ишлар ҳақида маълумот берди.
Шундан сўнг Қиролича Ража Зарит София номидаги Ислом тадқиқотлари маркази раҳбари томонидан марказ фаолияти, кутубхонаси, талаба ва тадқиқотчиларга яратиб берилган шарт-шароитлар билан таништирди.
Учрашув якунида ўзаро ҳамкорлик меморандумларини имзолаш, семинар ва конференциялар ташкил этиш, ҳамда ҳамкорликда Ҳаким Термизийнинг илмий мероси ва қўлёзмаларни ўрганиш бўйича тадқиқотлар олиб боришга келишиб олинди.
Бугун, 16 май куни Самарқанд вилояти бош имом-хатиби Аҳмадхон домла Алимов Тайлоқ туманидаги “Ўрта” масжидга борди. Домла жума намозидан олдин “Камтарга камол, манманга завол” мавзусида маънавий-маърифий маъруза қилди.
Маърузада инсоннинг ички камолотга эришишида камтарликнинг нақадар муҳим экани, манманлик ва кибр каби хулқларнинг инсон ва жамият учун келтириши мумкин бўлган салбий оқибатлари ҳақида сўз юритилди. Шунингдек, Ислом ахлоқ-одобининг олий қоидалари, нафсни тарбиялаш, жамиятда ўзаро ҳурмат ва инсофни қарор топтириш каби мавзулар кенг ёритилди.
Жума намозини ўқиш асносида юрт тинчлиги, эл-юрт фаровонлигини сўраб дуо қилдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 