Абитуриентлар мандат натижаларини @mandatmuslimbot га имтиҳон рухсатномасида тақдим этилган ID ( ёки логин) рақамини киритиш орқали ҳамда ўзлари ҳужжат топширган диний таълим муассасаларининг қуйидаги ижтимоий тармоқ саҳифаларидан билиб олишлари мумкин:
Тошкент ислом институти: https://t.me/oliymahad
Мир Араб олий мадрасаси: https://t.me/Mirarabuz
"Кўкалдош": ЎМИТМ: https://t.me/kukaldoshuz
"Хадичаи Кубро" АҚЎМИТМ: АЎМИТМ: https://t.me/xadichauz
"Ҳидоя" ЎМИТМ: https://t.me/hidoyauz
"Саййид Муҳйиддин махдум" ЎМИТМ: https://t.me/maxdumuz
"Хожа Бухорий" ЎМИТМ: https://t.me/Xojabuxoriy
"Мир Араб" ЎМИТМ: https://t.me/mirarabmadrasa
"Жўйбори Калон" АҚЎМИТМ: https://t.me/juyborikalon
"Фахриддин ар-Розий" ЎМИТМ: https://t.me/arroziyuz
"Муҳаммад ал-Беруний" ЎМИТМ: https://t.me/alberuniyuz
"Имом Термизий" ЎМИТМ: https://t.me/termiziylar
Олий ва ўрта махсус диний таълим муассасаларига мандат натижаларидан норози бўлган абитуриентлар мандат натижалари эълон қилинган вақтдан бошлаб 24 соат давомида ҳужжат топширган таълим муассасасига ёзма ариза билан мурожаат қилиш орқали АПЕЛЛЯЦИЯ беришлари мумкин. Апелляция жараёнлари Тошкент шаҳрида бўлиб ўтади. Апелляция аризаларини кўриб чиқиш санаси ва вақти бўйича қўшимча маълумот берилади.
Талабалик бахтига эришган ёшларни чин қалбдан қутлаймиз!
Ўзбекистон мусулмонлари идораси
Матбуот хизмати
Бисмиллаҳир Роҳманир Роҳийм
Cавол: Марҳумлар ҳақида гапирганда ҳозир кӯп кишилар "раҳматли бӯлиб кетган", деб айтишмоқда. Шунда мен бундай дейиш хато десам, ким айтди буни, деб сӯрашяпти. Шунга бир изоҳли жавоб берсангиз?
Жавоб: Бисмиллаҳир Роҳманир Роҳийм. Вафот этган мўмин-мусулмонларнинг ҳаққига мазкур сўзлар билан дуо қилиш ва ўтганларга Аллоҳнинг раҳмат ва мағфиратини умид қилиш мустаҳаб-савобли ишлардан биридир.
Мусулмон инсоннинг мусулмон устидаги ҳақларидан бири вафотидан кейин уни яхшилик билан эслаш, хотирлаш ва ҳаққига хайрли дуо қилишдир.
“Улардан кейин (дунёга) келган зотлар айтурлар: “Эй, Раббимиз! Ўзинг бизларни ва биздан илгари иймон билан ўтганларни мағфират этгин ва қалбларимизда иймон келтирган зотларга нисбатан гина пайдо қилмагин! Эй, Раббимиз! Албатта, Сен меҳрибон ва раҳмли зотдирсан!” (Ҳашр сураси, 10-оят).
Аллоҳ таоло ушбу ояти каримада мусулмонларга ўзларидан аввал иймон билан ўтган зотларнинг ҳаққига дуо ва мағфират сўраб дуо қилишларини таълим бермоқда. Мусулмонлар асрлар оша ушбу таълимотга содиқ қолиб келмоқдалар.
Ўтганларни хотирлаш ва уларнинг ҳақларига дуо қилиш турли халқларда турлича ибора ва сўзлар билан ифода қилинади. Бизнинг халқимизда ўтганларни “марҳум”, “мағфур” “раҳматли”, “раҳматли бўлиб кетган” ва шу каби дуо маъносидаги сўзлар билан ёдга олиш урф бўлган ва бу савобли амалдир.
Ўзбекистон мусулмонлари идораси
Фатво маркази.