Сайт тест ҳолатида ишламоқда!
02 Октябр, 2024   |   29 Рабиъул аввал, 1446
search icon
Aввалги сайт

Тошкент шаҳри
Бомдод
05:03
Қуёш
06:21
Пешин
12:17
Аср
16:18
Шом
18:06
Хуфтон
19:19
Bismillah
02 Октябр, 2024, 29 Рабиъул аввал, 1446
Aввалги сайт
#search
 YouTube
Мақолалар

Ғўддайган шўра

29.08.2024   2298   1 min.
Ғўддайган шўра

Деҳқон даласига маккажўхори донини сепди ва жўякларга сув таради. Маккажўхоридан олдин шўра ўсиб чиқди. Маккажўхори ҳам нимжон бўлиб кўринди. Шўра тез авж олди ва маккажўхорига мақтанди: 

Сен пойимда қолиб кетасан ва ўсишингга йўл қўймайман. 

Маккажўхори: 

– Ер иккаламизга ҳам етади. Мен ҳам ўсиб, ҳосил беришим керак. Билсанг, доним инсонлар учун фойдали ҳамда шифо. Мендан ун, ёрма, қанд, ёғ каби керакли маҳсулотлар олинади. Поям эса ҳайвонлар учун озиқа, – деди. 

Шўра баттар ҳаволанди:

– Сен икки ёки учта сўта чиқарасан. Ҳар бир сўтангда узоғи билан 750–800 та донинг бўлади. Менинг эса ўн мингдан кўп уруғим бор. Бир-икки йилда бутун далани эгаллайман... 

Шу пайт экин майдонини бегона ўтлардан тозалаб келаётган деҳқонбобонинг кетмони шўрани таг-томири билан қўпориб ташлади. 

Шоакрам ХУДОЙБОҚОВ,

Қуйи Чирчиқ тумани

#logo
Бошқа мақолалар
Янгиликлар

Дубай шаҳзодаси Ҳазрати Имом мажмуасини зиёрат қилди

28.09.2024   8420   1 min.
Дубай шаҳзодаси Ҳазрати Имом мажмуасини зиёрат қилди

Бирлашган Араб Амирликлари ахборот агентлиги WАМ Дубай валиаҳд шаҳзодаси, Бош вазир ўринбосари ва мудофаа вазири Шайх Ҳамдан бин Муҳаммад бин Рошид Ол Мактум бошчилигидаги делегация юртимизга расмий ташрифи доирасида Тошкентдаги Ҳазрати Имом мажмуасига борганини ёритди. Бу ҳақда ЎзА хабар берди. 

Меҳмонлар ушбу меъморий ёдгорлик билан танишаркан, Имом Абу Бакр Муҳаммад ибн Али Исмоил Қаффол Шоший қабри атрофида барпо этилган мажмуа таркибидаги Бароқхон мадрасаси, Қаффол Шоший мақбараси, Тиллашайх масжиди, Мўйи Муборак мадрасаси ҳамда Ўзбекистон мусулмонлари идораси ҳақида батафсил маълумотга эга бўлишди.

Саёҳати давомида Шайх Ҳамдан бин Муҳаммад бин Рошид Ол Мактум Усмон мусҳафи сақланаётган Мўйи муборак мадрасаси музейидаги турли услубда ёзилган Қуръони карим нусхалари, нодир қўлёзмалардан ташқари, 20 мингга яқин китобдан иборат беназир тўпламни ўз ичига олган улкан кутубхона билан, шунингдек  барпо этилаётган “Ислом цивилизацияси маркази” мажмуаси билан ҳам танишди.

Ўзбекистон мусулмонлари идораси
Матбуот хизмати

 

Дубай шаҳзодаси Ҳазрати Имом мажмуасини зиёрат қилди Дубай шаҳзодаси Ҳазрати Имом мажмуасини зиёрат қилди
Ўзбекистон янгиликлари
#logo