02 Октябр, 2024, 29 Рабиъул аввал, 1446
02 Октябр, 2024, 29 Рабиъул аввал, 1446
Бисмиллаҳир Роҳманир Роҳийм
Аллоҳ таоло бундай марҳамат қилади: “Албатта, намоз мўминларга вақтида фарз қилингандир” (Нисо сураси, 103-оят).
Расулуллоҳ соллаллоҳу алайҳи васаллам: “Бомдоднинг икки ракати дунё ва ундаги нарсалардан яхшидир”, деганлар (Имом Муслим ривояти).
Ушбу ҳадисда бомдоднинг икки ракат суннати ҳақида сўз бормоқда. Унинг фарзининг савоби қанча экан...?
Агар сиз бомдод намозига туришга қийналаётган бўлсангиз, қуйидаги сабабларни қилишингизни тавсия қиламиз:
1. Будильникни ётоқингиздан узоқроққа қўйинг. Шунда уни ўчириш учун туришингиз керак бўлади, бу эса уйқудан уйғонишни осонлаштиради.
2. Агар жуда қаттиқ ухласангиз, иккита баланд овозли будильникдан фойдаланинг. Бирини тўшакнинг ёнига, иккинчисини узоқроққа қўйинг.
3. Ухлашга ётишдан олдин дуо қилинг: “Аллоҳим, бомдод намозига туришимга тавфиқ бергин”.
4. Оила аъзоларингизга сизни уйғотишларини тайинлаб қўйинг.
5. Дўстингиздан сизни телефон қилиб намозга уйғотишини сўранг.
6. Эрта ётинг. Қанчалик кеч ётсангиз, бомдод намозига туришингиз шунчалик қийин бўлади.
7. Унутмангки, шайтон сизни “ҳали тун узоқ, ухлайвер”, деб алдайди. Агар туришга дангасалик қилсангиз, шайтонга эргашган бўласиз. Танлов ўз қўлингизда...
8. Уйғонганингизда қуйидаги дуони ўқинг: “Алҳамду лиллаҳиллазий аҳйана баъда ма аматана ва илайҳин нушур. Бизни вафот эттиргандан кейин қайта тирилтирган Аллоҳга ҳамд бўлсин. Қайта тирилиш Унинг Ўзигадир”.
9. Кейин ушбу зикрни қилинг: “Лаа ҳавла ва лаа қуввата илла биллаҳ”.
Даврон НУРМУҲАММАД
Шу йил 26 сентябрь куни пойтахтимиздаги “Шайх Зайниддин” жоме масжидида “Марваридлар шодаси” китобининг тақдимоти бўлиб ўтди.
Қуръони карим тиловати ва хайрли дуолар билан бошланган тадбир аввалида сўзга чиққан нотиқлар мазкур янги китоб билан ижодкор ва иштирокчиларни қутлаш баробарида юртимизда аёл-қизларнинг илму маърифатини юксалтириш, уларнинг саломатликларини яхшилаш ва ёш қизларни таълим-тарбия олишлари учун муносиб шароит яратиш бўйича амалга оширилаётган ишлар хусусида сўз юритдилар.
Маърифий тадбир давомида мазкур китоб бугунги кунда жамиятимизда соғлом турмуш тарзини тарғиб қилиш, аёл-қизлар саводхонлигини ошириш, шариатимизнинг аёлларга хос бўлган аҳкомларни содда ва тушунарли тарзда баён этишда муҳим аҳамиятга эга экани таъкидланди. Шунингдек, рисоланинг она тилимизга таржима қилиниши ва халқимизга туҳфа этилгани айни муддао бўлганига урғу қаратилди. Бундан ташқари, маърузаларда аёл-қизларга хос тиббий, ижтимоий ва психологик тавсиялар ҳам муҳокама қилинди.
Тадбир давомида китоб муаллифи Ҳанафий фиқҳи олими, динимизга кўп йиллардан буён хизмат қилиб келаётган фазилатли Шайх Салоҳ Муҳаммад Абул Ҳожнинг тадбир иштирокчиларига йўллаган видео табриги намойиш этилди. Мазкур китобни таржима қилишда иштирок этган олималар ва “Хадичаи Кубро” мадрасаси устозлари жамоасига миннатдорлик изҳор этилди.
Маросимда Дин ишлари бўйича қўмитаси раис ўринбосари, фалсафа фанлари доктори, профессор Матлуба Қаҳҳарова, Ўзбекистон мусулмонлари идораси бўлим мудираси в.б. Моҳира Зуфарова, Muslimaat.uz сайти раҳбари, “Марваридлар шодаси” китоби бош муҳаррири Одинахон Муҳаммад Юсуф, шунингдек, Тошкент ислом институти, Хадичаи Кубро мадрасаси устоз ва талабалари ҳамда отинойилар иштирок этди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 