Куни кеча Ўзбекистон мусулмонлари идораси Кутубхона бўлими мудири Камолиддин домла Маҳкамовнинг «"Тасриф" сарф фанидан янги ва осон қўлланма» китоби нашр этилди.
Мазкур асар машҳур олим Дўстмуҳаммад Насриддин Бодарий ҳазратларининг «Мукаммал сарф дарслиги» китобидан андоза олинган ҳолда, китобдаги матнлар бугунги кундаги талабаларнинг эҳтиёжидан келиб чиқиб мослаб, тўлдириб, кўпроқ жадваллар билан ўқувчига янада тушунарли бўлишига ҳаракат қилинган.
Аллоҳ таоло ушбу китобни юртимиз мўмин-мусулмонларига манфаатли айласин!
Харид қилиш истагидагиларга: +998712175999
Буюртма учун: @hilolnashruzbot
Бисмиллаҳир Роҳманир Роҳийм
Ҳақиқат билан ростнинг ораси тўрт энлик, дейишади. Қулоқ билан кўз ораси шунча экан. Демак, кўз билан кўрмагунча қулоқ билан эшитган гапга ишонавермаслик ва у гапнинг ҳақиқатини аниқламасдан туриб бировга айтмаслик керак.
Шариатимиз кўрсатмаларида ёлғончиликка мутлақо йўл қўйилмайди. Ёлғон охири дўзахга етаклайди.
Абдуллоҳ ибн Масъуд розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Рост гапиринглар, чунки ростгўйлик эзгуликка етаклайди. Эзгулик эса жаннатга етаклайди. Киши рост гапираверса, у Аллоҳ таоло ҳузурида ростгўй деб ёзиб қўйилади. Ёлғон гапиришдан ўзларингизни сақланг, чунки ёлғон гапириш бузуқликка етаклайди. Бузуқлик эса дўзахга етаклайди. Киши ёлғон гапираверса, охири Аллоҳнинг ҳузурида ёлғончи деб ёзиб қўйилади”, деганлар (Имом Бухорий ривояти).
Шайx Кирмоний ҳазратлари айтадиларки: “Ёлғон гапирмаган, омонатга xиёнат, бўҳтон, туҳмат ва ғийбат қилмаган киши келажагидан қўрқмасин. Шу гуноҳларни қилмаган киши вақти келиб, бошқа гуноҳларни ҳам тарк этади”.
Ёлғончилик ўғрилиқдир. Ўғри молингизни ўғирласа, ёлғончи аклингизни ўғирлайди. Баъзилар фойда кўриш ё зарарни дафъ қилиш учун ёлғон сўзлайди. Ёлғон сўзлаб, фойда кўрмоқчи ё балодан қутулмоқчи бўлади. Расулуллоҳ соллаллоҳу алайҳи васаллам бундай деганлар: “Рост сўзда хатар кўрсангиз ҳам, рост сўзланг! Нажот рост сўздадир. Ёлғон сўзда нажот кўрсангиз ҳам, ёлғон гапирманг! Хатар ёлғон сўздадир”.
Абу Умома Боҳилий розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Чиройли хулқли кишига жаннатнинг энг юқорисидаги бир уйга кафилман”, дeдилар (Имом Абу Довуд ривояти)
Шаҳобиддин ПАРПИЕВ,
Асака туманидаги “Муҳаммадсолиҳ” жоме масжиди имом-хатиби.