01 Октябр, 2024, 28 Рабиъул аввал, 1446
01 Октябр, 2024, 28 Рабиъул аввал, 1446
Нафақа ёшига етган дурадгор хўжайинига фаолиятини якунлаб, энди вақтини кўпроқ оиласи билан ўтказишни режа қилганини билдирди. Хўжайин кутилмаган бу гапдан бироз қайғуга тушиб қолди. Чунки дурадгор унинг энг ишончли ходимларидан бири эди. Ундан асло ажралишни хоҳламасди. Ноилож хўжайини: “Майлин фақат Сизга сўнгги илтимосим бор, охирги марта менга яна битта уй қуриб бера оласизми?” деб сўради.
Дурадгор ишга бўлган иштиёқи анча сўнган бўлса-да, истар-истамас хўжайиннинг бу илтимосига рози бўлди. Дурадгор уйни қурар экан, арзон ва сифатсиз қурилиш материаллардан фойдаланар, жуда беҳафсала, тезроқ уйни битиришга ҳаракат қиларди.
Дурадгорнинг ишлари тугагач, хўжайин янги уйни кўриш учун келди. У дурадгорга калитни берди ва: “Бу уй йиллар давомида қилган меҳнатларингиз учун сизга ҳадия”, деди.
Дурадгор ҳайратда қолди. Агар у уйни қуришдан олдин бу уй ўзига эканини билганида эди, бутунлай бошқача тарзда қурган бўларди.
Сиз ҳар куни эрта тонгда уйқудан уйғонар экансиз, Аллоҳ таоло сизга ҳаётингизни яхшилаш учун бир қанча янги имкониятлар беради. Аммо афсуски, аксарият одамлар бугунги кунини кечаги кундан кўра яхшилашга интилмайди, Аллоҳ берган имкониятлардан тўлиқ фойдаланмайди. Ва оқибатда натижалар кўнгилгидек бўлмайди. Шундай экан, Аллоҳ берган имкониятлардан тўлиқ фойдаланишга ҳаракат қилинг! Ҳаётингизни ўзингиз чиройли тарзда қуринг! Унутмангки, эртага ўша уйда ўзингиз яшайсиз!
Даврон НУРМУҲАММАД
“IQNA” сайтининг “Arab News” нашрига таяниб хабар беришича, шу йил сентябрь ойи охирида Лондонда IX Жаҳон ҳалол таомлар фестивали бўлиб ўтади.
“Маҳаллий лаззатлар (таъмлар)” шиори остида ўтаётган фестивал ташкилотчилари бу йил фестивалга 20 мингдан ортиқ киши ташриф буюришига умид билдирмоқда. Бутунжаҳон ҳалол таомлар фестивали шу йилнинг 28-29 сентябрь кунлари Лондон стадионида бўлиб ўтади ва унда дунёнинг турли бурчакларидаги давлатлар вакиллари томонидан тайёрланган таомлар тақдим этилади.
Ушбу тадбирда диққат ва қатъий танланган Покистон, Туркия, Марокаш, Индонезия ва бошқа мамлакатлардан сотувчилар, ошпазлар ва озиқ-овқат дўконлари вакиллари иштирок этади.
Дастур директори Валид Жаҳонгир дунёда мусулмонлар сони ортиб бораётгани сабабли сертификатланган ҳалол маҳсулотларга талаб ортиб бораётганини қайд этди.
Валид Жаҳонгирнинг айтишича, ахлоқий, барқарор ва сифатли озиқ-овқат маҳсулотлари ва таомларга қизиқиш ортиб бораётгани нафақат мусулмон истеъмолчиларни, балки бошқа дин вакилларини ҳам ҳалол озиқ-овқатга жалб қилмоқда.
Бу йилги яна бир янгилик – мавританиялик таниқли ошпаз Шелин Пермало томонидан ўтказиладиган пазандачилик шоуси бўлиб ўтади. У ИТВ телеканалининг “Юлдузлар билан таом тайёрлаш” кўрсатувидаги чиқиши билан танилган. Ушбу интерактив пазандачилик шоусида унга бошқа таниқли ошпазлар ёрдам беришади. Тадбирда Надия Ҳусайн ва Биг Зу каби машҳур шахслар ҳамда кўплаб машҳур актёрларнинг иштирок этиши кутилмоқда.
Фестивал катта болалар майдони ва бозорини яратиш орқали ўзининг оилавий имкониятларини кенгайтирди. Шунингдек, “Бизнинг келажагимиз саломатлиги” билан ҳамкорликда жойларда кўчма клиника ташкил этилади, бу эса иштирокчиларга текширувдан ўтиш ва уларнинг соғлиғи ҳақида маълумот олиш имконини беради.
Валид Жаҳонгир қўшимча қилди: “Биз фестивалда интерфаол панеллар орқали муҳокама ва мулоқотни рағбатлантирамиз ҳамда ҳаётнинг барча қатламларидаги одамларга умумий овқатланиш, маданият ва жамият қадриятлари билан боғланиш учун жой берамиз”.
“Маҳаллий лаззатлар (таъмлар)” фестивали ҳунарманд озиқ-овқат ишлаб чиқарувчиларга қаратилган бўлиб, озиқ-овқат ишлаб чиқарувчиларга ўз маҳсулотларини янги лаззатларни кашф этмоқчи бўлган минглаб фестивал иштирокчиларига тарғиб қилиш учун платформа тақдим этади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 