Кўрик-танловнинг республика босқичи ғолиби аниқланди
Қорақалпоғистон мусулмонлари қозиётига қарашли масжидларда хизмат қилиб келаётган имом-хатиб ва имом-ноиблари иштирокида “Йил имоми –2024” кўрик-танловининг республика босқичи бўлиб ўтди. Унда қозиёт қозиси Б.Разов, қозиёт ходимлари, Нукус Муҳаммад ибн Аҳмад ал-Беруний мадрасаси ходимлари, барча масжид имом-хатиблари ва имом-ноиблари иштирок этди.
Ўзбекистон мусулмонлари идораси тарафидан ҳар йили ташкиллаштириладиган “Йил имоми” кўрик-танловида ижодий изланишлари, халқимизнинг турмуш ободонлиги ва Ислом дини ривожига ҳисса қўшган, шунингдек, имом-хатибларнинг диний ва дунёвий билимлари, ўз ҳудудида олиб бораётган тарғибот ишлари, ахборот воситаларида чиқишлари бўйича фаоллик кўрсатган, танловнинг биринчи босқичида ғолиб бўлган имом-хатиб ва имом-ноиблар беллашди.
Якуний натижаларга кўра, Қўнғирот тумани “Мўлла Исхоқ” жоме масжиди имом-хатиби Алтинбек Зинуллаев кўрик-танловнинг иккинчи босқичи ғолиби бўлди. У Қорақалпоғистон мусулмонлари қозиёти тарафидан диплом ва эсдалик совғалари билан тағдирланди ва Тошкент шаҳрида бўлиб ўтадиган республика босқичига йўлланма олди.
Қорақалпоғистон мусулмонлари қозиёти
Матбуот хизмати
“ЖУМАДАН ЖУМАГАЧА” (21.08.2026)
#hafta_dayjesti #jumadan_jumagacha
00:00 Хабарлар
01:17 Диний таълимда янги босқич: Ислом цивилизацияси марказида тарихий анжуман
02:32 18 август – нодир ёдгорлик Усмон Мусҳафининг Тошкентга қайтган куни
03:39 Ҳудудларда “Қуръон тинчликка буюради” номли мусобақалар давом этмоқда
04:38 Байрам арафасида саховат ва меҳр-оқибат тадбирлари давом этмоқда (ҳудудлар)
06:53 Сирдарёлик имом-хатиблар ўртасида “Заковат” турнири бўлиб ўтди
07:45 Самарқанд, Бухоро ва Хива – ислом цивилизациясининг бебаҳо дурдоналари
08:37 Ўзбекистон ва Покистон олимлари Бобурийлар меросини биргаликда тадқиқ этмоқда
09:16 Ўзбекистон – туркий цивилизациянинг энг гўзал шаҳарлари жойлашган замин
Ўзбекистон мусулмонлари идораси Матбуот хизмати
Бошловчи: Неъмат Мусаев
Муҳаррир: Баҳриддин Хушбоқов
Оператор: Дилшод Маҳкамов
- «
- »