02 Ноябр, 2024, 01 Жумадул аввал, 1446
02 Ноябр, 2024, 01 Жумадул аввал, 1446
Юртимизда ҳар бир соҳага қарамайлик ўзгаришлар, янгиланишлар, ривожланишлар бўлаётганини кузатишимиз мумкин.
Шу жумладан диний соҳада ҳам Ўзбекистон мусулмонлари идораси бошчилигида ўзгаришлар, ривожланишлар бўлмоқда. Йилдан йилга масжидларда фаолият кўрсатаётган диний соха ходимларининг илмий салохиятларини ошириш, билим даражаси ва касбий махоратлари оширишга жиддий эътибор қаратиб келинмоқда.
Ҳаммаларимизга маълумки, имомлик бу – шарафли ва масъулиятли, шу билан бирга, Пайғамбаримиз алайҳиссаломнинг муборак касбларидир. Шу боис имом ҳар доим маърифатли, ўз устида тинимсиз ишлаши, соҳага доир янгиликлардан доимо хабардор бўлиши керак.
Ўзбекистон мусулмонлари идораси томонидан ҳар йилиги имомлар ўртасида “Йил имоми” кўрик-танловини ўтказилиши ҳам, имомларнинг касбий маҳорат ва илмий савиясини доимий равишда ошириб боришига хизмат қилиб келмоқда.
Бу эса ўз-ўзидан имом-хатибларнинг ўз устида кўпроқ ишлашлари, билимларини доимий равишда бойитиб боришлари, халққа маърифий Исломни етказишда астойдил хизмат қилишларига ўзига яраша рағбат бўлмоқда.
Шу боисдан, жорий йилги “Йил имоми-2024” кўрик танловининг Андижон вилояти босқичи 2024 йил 12 сентябрь куни Ўзбекистон мусулмонлари идорасининг Андижон вилояти вакиллигида кўтаринки руҳда ташкил қилинди.
“Йил имоми-2024” кўрик танловининг Андижон вилояти босқичида вилоятнинг шаҳар-туман босқичларида ғолибликни қўлга киритган 16 нафар имом-хатиблар қатнашдилар.
Тадбир Қуръони Карим тиловати ила бошланиб, Вилоят бош имом-хатиби Мирзамақсуд домла Алимов бошчилигида тадбирни файзли ва сермазмун ўтишлигини Аллоҳ таолодан сўраб, дуои-хайрлар қилинди.
Иштирокчиларнинг чиқишлари ҳакамлар ҳайъати томонидан баҳолаб борилди. Якуний натижаларга кўра қуйидагилар «Йил имом–2024» танловининг Андижон вилояти босқичи ғолиби деб қуйдагилар топилди:
I ўрин: Олтинкўл тумани “Олтинкўл” жоме масжиди имом-хатиби;
II ўрин: Андижон шаҳар “Шахидтепа” жоме масжиди имом-хатиби;
III ўрин: Шаҳрихон тумани “Назармахрам” жоме масжиди имом-хатиби;
Тадбир сўнгида ғолиблар ва иштирокчилар ЎМИ Андижон вилояти вакиллиги томонидан диплом ва эсдалик совғалари билан тақдирланди.
“Йил имоми–2024” кўрик-танлови Андижон вилоят босқичида биринчи ўринни эгаллаган Муҳаммад Амин домла Қобилжонов танловнинг Республика босқичида қатнашиш имкониятига эга бўлди.
ЎМИ Андижон вилоят вакиллиги матбуот хизмати
Расулуллоҳ соллаллоҳу алайҳи васалламнинг бўйлари қандай эди?
У зот соллаллоҳу алайҳи васаллам новча ҳам эмас, пакана ҳам эмас, ўрта бўй эдилар.
Ҳазрат Али розияллоҳу анҳу айтадилар: “Расулуллоҳ соллаллоҳу алайҳи васаллам новча ҳам эмас, пакана ҳам эмас эдилар...”.
Расулуллоҳ соллаллоҳу алайҳи васалламнинг муборак тана ва юзларининг ранги қандай эди?
Ранглари оқ-қизил, юзлари буғдойранг эди.
Расулуллоҳ соллаллоҳу алайҳи васалламнинг тана аъзолари қандай эди?
Тана аъзолари бир-бирига мутаносиб, хушбичим, баданлари туксиз эди.
Расулуллоҳ соллаллоҳу алайҳи васалламнинг муборак пешоналари, киприклари, қошлари қандай эди?
Пешоналари кенг, киприклари узун, қошлари қўшилмаган, эгик эди.
Расулуллоҳ соллаллоҳу алайҳи васалламнинг муборак бурунлари ва соқоллари қандай эди?
Бурунлари бироз баланд, қиррали, соқоллари қалин эди.
Расулуллоҳ соллаллоҳу алайҳи васалламнинг муборак тишлари қандай эди?
Тишлари майда, ялтироқ, олдинги тишлари бир-биридан алоҳида кўринар эди. Агар сўзласалар, тишларининг ораларидан гўё нур каби бир нарса чиқарди.
Расулуллоҳ соллаллоҳу алайҳи васалламнинг қадам ташлари қандай эди?
У зот соллаллоҳу алайҳи васаллам олдинга мойил бўлиб юрардилар.
Абу Туфайл розияллоҳу анҳудан ривоят қилинади: “Расулуллоҳ соллаллоҳу алайҳи васалламни кўрдим. У зот худди пастликка тушаётганга ўхшаб юрар эдилар”, деди (Имом Муслим ривояти).
Расулуллоҳ соллаллоҳу алайҳи васалламнинг муборак елкалари, кафтлари, қадамлари қандай эди?
Икки елкаларининг ораси кенг эди. Икки елкалари ўртасида пайғамбарлик муҳри бор. Муҳри нубувват каптар тухумидек келадиган қизғиш гўшт, усти тукли эди. Кафт ва қадамлари тўла, гўштдор эди.
Расулуллоҳ соллаллоҳу алайҳи васалламнинг муборак бошлари, юзлари, кўзлари қандай эди?
Бошлари катта, юзлари думалоқроқ, кўзлари қора, суякларининг қўшилган ери йўғон эди.
Баро розияллоҳу анҳудан: “Набий соллаллоҳу алайҳи васалламнинг юзлари қиличга ўхшармиди?” деб сўрашди. Шунда Баро розияллоҳу анҳу: “Йўқ. Тўлин ойга ўхшар эди”, деб жавоб берди (Имом Бухорий, Имом Термизий ривояти).
Расулуллоҳ соллаллоҳу алайҳи васалламнинг муборак кўкраклари ва билаклари қандай эди?
Кўкраклари кенг, билаклари узун эди.
Расулуллоҳ соллаллоҳу алайҳи васалламнинг муборак сочлари қандай эди?
Сочлари икки қулоқларининг ярмига тушарди. Сочларини тараб, фарқ очардилар. Сочга ёғ суртардилар.
Қатода розияллоҳу анҳудан ривоят қилинади: Анас розияллоҳу анҳудан: “Расулуллоҳ соллаллоҳу алайҳи васалламнинг сочлари қандай эди?” деб сўрадим. У: “Сочлари тўлқин сифат: жуда жингалак ҳам, жуда юмшоқ ҳам эмас эди. Икки қулоқлари билан елкалари ўртасида турарди”, деди (Имом Бухорий, Имом Муслим, Имом Термизий ривояти).
Аллоҳумма солли ъала саййидина Муҳаммадин ъабдика ва набиййика ва ҳабибика ва Расуликан Набиййил уммиййи ва ъала алиҳи ва соҳбиҳи ва саллим.
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 