Қорақалпоғистон мусулмонлари қозиётида Ўзбекистон мусулмонлари идорасининг “Ислом нури” газетаси, “Ҳидоят” ва “Мўминалар” журналларининг ўзбек ва қорақалпоқ тилидаги нашрларига обуна бўлган фаол имом-хатибларни тақдирлаш маросими бўлиб ўтди.
Маросимга “Шамсуддинхон Бобохонов” нашри масъул ходимлари Толибжон Низомов, Юсуф Сабуров, Қорақалпоғистон мусулмонлари қозиёти қозиси Баҳромиддин Разов, қозиёт ходимлари, барча масжид имом-хатиб ва имом-ноиблари қатнашди.
Халқимиздаги ҳар бир оилага диний йўналишдаги даврий нашрларни тарқатишга ҳисса қўшган, шунингдек, “Ислом нури” газетаси ва “Ҳидоят” журналининг ўзбек тилидаги нашрида мақолалар билан фаол қатнашган Амударё тумани “Юсуф эшон бобо” масжиди имом-хатиби А.Матсапаев, шу газета-журналларнинг қорақалпоқ тилидаги нашрида мақолалар билан фаоллик кўрсатган Мўйноқ тумани “Тоқпақ ота” масжиди имом-хатиби Р.Тилеўбаев ва бошқа масжид имом-хатиблари нашрёт масъуллари тарафидан тақдирланди ва эсталик совғалари билан тақдирланди.
Қорақалпоғистон мусулмонлари қозиёти
Матбуот хизмати
Шу кунларда Иордания пойтахти Амман шаҳрида Иордания вақф ва ислом муқаддасотлари ишлари вазирлиги томонидан Ислом дини тинчлик, бағрикенглик, мўътадиллик экани ва уни ҳар қандай зўравонлик, куч ишлатиш, тоқатсизлик кабиларга қарши эканини ўз ичига олувчи «Амман рисоласи» нинг моҳиятига бағишланган 45 илмий-амалий семинар бўлиб ўтмоқда.
Анжуманда Иордания вақф вазири Холилий, Иорданиядаги Қирол Абдуллоҳ II номидаги даъватчилар тайёрлаш, малакасини ошириш институти ректори доктор Абдуссатор, Иордания бош муфтийси Аҳмад Ҳасанот, Иордания қироллик ҳузуридаги Қуддус ишлари қўмитаси аъзоси доктор Муҳаммад Сидр ва бошқалар қаторида Ўзбекистон мусулмонлари идораси Фатво маркази бош мутахассиси Саййиджамол домла Масайитов ўз маъруза ва суҳбатлари билан иштирок этмоқда.