Бисмиллаҳир Роҳманир Роҳийм
#BIR_SHINGIL_TAFAKKUR
1-HUJUM
“… Va Alloh Sizni odamlardan saqlaydi …” (“Moida” surasi, 67-oyat).
Rasululloh ﷺ nafaqat hayotlik chog’larida, balki vafotlaridan so’ng ham Alloh taoloning himoyasida.
Dushmanlar tarafidan Rasululloh ﷺ qabrlariga to’rt marta hujum bo’lgan.
Ularning maqsadi Rasululloh ﷺ ning muborak Jasadlarini o’g’irlash bo’lgan.
1-hujum 1010-yilda sodir bo’lgan.
Shialardan Fotimiy xalifa Mansur al-Hokim al-Ismoiliy (985-1021) Rasululloh ﷺ qabrlarini Misrga ko’chirmoqchi bo’ladi.
U Abul Futuh boshchiligida Madinaga askar jo’natib, Rasululloh ﷺning muborak jasadlarini Misrga olib kelishni buyuradi.
Lekin
Alloh taolo juda kuchli shamol yuboradi.
Hatto tuya va otlar egarlari bilan cho’pdek uchib ketadi.
Shamol sababli ko’p odamlar halok bo’ladi.
Mazkur askarlar ham ushbu shamol tufayli halok bo’ladi.
©️ Manba: As-Samhudiy. Vafa al-vafa.
Abdulloh Abdulmajid tayyorladi
Бисмиллаҳир Роҳманир Роҳийм
Ривоят қилишларича, Абу Юсуф раҳимаҳуллоҳга Ҳотамул Асом деган зот масжидда зуҳддан маъруза қилаётган эмиш деган хабар келди. Шунда у киши шогирдларига: қани бориб эшитайликчи, нималар ҳақида гапираётган экан, деб масжидга бордилар ва Ҳотамул Асомга: “Эй йигит, менга намоз ҳақида гапириб бер”, дедилар.
Ҳотамул Асом: “Намознинг одоблари ҳақида айтиб берайми ёки унинг кайфияти ҳақида сўраяпсизми?” деди.
Абу Юсуф унинг бу гапидан таажжубга тушдилар ва ичларида: “Биз ундан битта нарсани сўрасак, у иккита нарсани айтмоқчи”, дедилар. “Майли бизга намознинг одоблари ҳақида айтиб берақол”, дедилар.
Ҳотамул Асом сўз бошлади: “Намознинг одоблари будир: Яратганнинг амрига итоат этиб ўриндан турмоқлик, савоб умидида намозгоҳга бормоқлик, ният ила намозга кирмоқлик, Аллоҳни улуғлаб такбир айтмоқлик, тартил билан қироат қилмоқлик, хушуъ ила рукуъ қилмоқ, хузуъ ила саждага йиқилмоқ, ихлос билан ташаҳҳуд айтмоқ, раҳмат тилаб салом бермоқ”, деди.
Абу Юсуф раҳимаҳуллоҳ: “Энди намознинг кайфияти ҳақида гапириб бер”, дедилар.
Ҳотамул Асом сўз бошлади: “Каъбани икки қошингиз орасига оласиз, мезонни кўз ўнгингизга келтирасиз, сирот кўпригини оёғингиз остига, ўнг ёнингизга жаннатни, чап ёнингизга дўзахни келтирасиз, ортингизда эса, ўлим фариштаси пойлаб юрибди. Ана шундан кейин намозингиз қабул бўлдими ёки рад этилдими, шуни ўйлайсиз”, деди.
Абу Юсуф сўрадилар: “Сен қачондан бери намозни шундай кайфиятда ўқийсан?”.
Ҳотамул Асом: “Йигирма йилдан бери шундай намоз ўқийман”, деб жавоб берди.
Шундан кейин Абу Юсуф раҳимаҳуллоҳ шогирдлари томон ўгирилиб: “Юринглар, бориб эллик йиллик намозимизни қайтадан қазо қилиб ўқиб оламиз”, дедилар.
Ҳомиджон домла ИШМАТБЕКОВ