30 Сентябр, 2024, 27 Рабиъул аввал, 1446
30 Сентябр, 2024, 27 Рабиъул аввал, 1446
Бисмиллаҳир Роҳманир Роҳийм
Кундалик ҳаётимиз давомидаги турмуш тарзимиз кўп томонлама инъикосга эгадир. Гўёки параллел олам каби бир оламдаги ҳодисалар иккинчисига монанд тушади. Инчунун, турли бактериялар туфайли касалликка чалинган одам унинг муолажасини қилгани каби гуноҳлар гирдобига илашиб қолган инсон ҳам маънавий муолажалар олиши лозим бўлади.
Жасадимиздаги касалликлар охир-оқибат бизни ҳалок қилгани каби гуноҳлар ҳам ҳалок этади. Энг эътиборлиси шундаки иккаласининг ҳам ҳалок бўлишининг якуний нуқтаси қалбга бориб тақалади.
Дарвоқе қалб араб тилида бўлиб бўлиб, инсоннинг чап кўкрак қисмида жойлашган юрак аъзоси ҳам арабларда қалб дейилади. Бизда агарчи иккаласи айро қўлланилса ҳам, демак умуман олганда бир экан.
Касалликлар атроф-муҳит ифлослиги ёки ички аъзолар туфайли бўлгани каби инсон маънавиятига ҳам икки омил таъсир қилади. Бунда ҳам эътиборлиси шуки, ҳар иккаласида ҳам Аллоҳ таоло Ўзи хоҳлаган бандаларини ҳар қандай ҳолатда ҳам сақлаб қолади.
Касалликларнинг энг яхши муолажаси покликдир. Гуноҳдан пок юрган инсоннинг қалби мусаффо бўлади. Бироқ бу имконият фақат пайғамбарларгагина берилган. Унда биз нима қилмоғимиз керак?
Аввало нафсни тийиш керак! Кейин истиғфор айтиш, тавба қилиш, намоз ўқиш ва покликка қатъий риоя этиш лозим.
Улуғбек қори ЙЎЛДОШЕВ,
Асака туманидаги “Муҳаммадсолиҳ ҳожи” жоме масжиди ходими.
“IQNA” сайтининг “Arab News” нашрига таяниб хабар беришича, шу йил сентябрь ойи охирида Лондонда IX Жаҳон ҳалол таомлар фестивали бўлиб ўтади.
“Маҳаллий лаззатлар (таъмлар)” шиори остида ўтаётган фестивал ташкилотчилари бу йил фестивалга 20 мингдан ортиқ киши ташриф буюришига умид билдирмоқда. Бутунжаҳон ҳалол таомлар фестивали шу йилнинг 28-29 сентябрь кунлари Лондон стадионида бўлиб ўтади ва унда дунёнинг турли бурчакларидаги давлатлар вакиллари томонидан тайёрланган таомлар тақдим этилади.
Ушбу тадбирда диққат ва қатъий танланган Покистон, Туркия, Марокаш, Индонезия ва бошқа мамлакатлардан сотувчилар, ошпазлар ва озиқ-овқат дўконлари вакиллари иштирок этади.
Дастур директори Валид Жаҳонгир дунёда мусулмонлар сони ортиб бораётгани сабабли сертификатланган ҳалол маҳсулотларга талаб ортиб бораётганини қайд этди.
Валид Жаҳонгирнинг айтишича, ахлоқий, барқарор ва сифатли озиқ-овқат маҳсулотлари ва таомларга қизиқиш ортиб бораётгани нафақат мусулмон истеъмолчиларни, балки бошқа дин вакилларини ҳам ҳалол озиқ-овқатга жалб қилмоқда.
Бу йилги яна бир янгилик – мавританиялик таниқли ошпаз Шелин Пермало томонидан ўтказиладиган пазандачилик шоуси бўлиб ўтади. У ИТВ телеканалининг “Юлдузлар билан таом тайёрлаш” кўрсатувидаги чиқиши билан танилган. Ушбу интерактив пазандачилик шоусида унга бошқа таниқли ошпазлар ёрдам беришади. Тадбирда Надия Ҳусайн ва Биг Зу каби машҳур шахслар ҳамда кўплаб машҳур актёрларнинг иштирок этиши кутилмоқда.
Фестивал катта болалар майдони ва бозорини яратиш орқали ўзининг оилавий имкониятларини кенгайтирди. Шунингдек, “Бизнинг келажагимиз саломатлиги” билан ҳамкорликда жойларда кўчма клиника ташкил этилади, бу эса иштирокчиларга текширувдан ўтиш ва уларнинг соғлиғи ҳақида маълумот олиш имконини беради.
Валид Жаҳонгир қўшимча қилди: “Биз фестивалда интерфаол панеллар орқали муҳокама ва мулоқотни рағбатлантирамиз ҳамда ҳаётнинг барча қатламларидаги одамларга умумий овқатланиш, маданият ва жамият қадриятлари билан боғланиш учун жой берамиз”.
“Маҳаллий лаззатлар (таъмлар)” фестивали ҳунарманд озиқ-овқат ишлаб чиқарувчиларга қаратилган бўлиб, озиқ-овқат ишлаб чиқарувчиларга ўз маҳсулотларини янги лаззатларни кашф этмоқчи бўлган минглаб фестивал иштирокчиларига тарғиб қилиш учун платформа тақдим этади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 