02 Ноябр, 2024, 01 Жумадул аввал, 1446
02 Ноябр, 2024, 01 Жумадул аввал, 1446
Бисмиллаҳир Роҳманир Роҳийм
Бир қанча одамлар Имом Шофеъий раҳматуллоҳи алайҳнинг ҳузурига келиб, ундан Аллоҳ таолонинг борлиги ҳақида далил келтиришини сўради.
Имом Шофеъий раҳимаҳуллоҳ: “Бунинг далили тут баргидир”, деб жавоб берди.
Одамлар жавобдан ҳайратланиб, батафсилроқ тушунтиришини сўрашди.
Имом Шофеъий раҳматуллоҳи алайҳ бундай деди: “Тут барглари бир хил шакл ва таъмга эга, аммо
• ипак қурти уни еса, ипак олинади;
• нектарини асаларилар йиғса, асал олинади;
• кийик ундан истеъмол қилса, хушбўйлик, мушк чиқаради.
Биргина баргдан шунча турли нарсаларни чиқаришга қайси Зот қодир экан!?
Одамлар ўйланиб, жим бўлиб қолишганда, Имом Шофеъий раҳимаҳуллоҳ: “Аллоҳ барча нарсани яратувчисидир”, оятини ўқиди (Раъад сураси, 16-оят).
Манба: Абдулазиз Рожиҳийнинг “Шарҳи Тафсири Ибн Касир” китобидан.
ТИИ Ҳадис ва ислом тарихи фанлари кафедраси
катта ўқитувчиси Пўлатхон КАТТАЕВ тайёрлади
Ҳафтанинг ҳар чоршанба куни Ўзбекистон мусулмонлари идораси ва унинг ҳудудлардаги вакилликлари ва барча жоме масжидларида имом-домлалар томонидан фуқаролар мурожаатини ўрганиш ва ҳал этиш бўйича қабул кунлари амалга оширилмоқда.
30 октябрь куни Ўзбекистон мусулмонлари идораси раисининг биринчи ўринбосари Ҳомиджон домла Ишматбеков фуқароларни қабул қилиб, мурожаат, арз ва таклифларини эшитди.
Қабул чоғида улар томонидан кўтарилган имом-хатиб фаолияти, оилавий масалалар, диний таълим, ишга кириш ҳамда моддий ёрдам олиш сингари масалаларнинг аксарияти ижобий ҳал этилди.
Жумладан, оилавий муносабатларда келганларга муаммолар ечими бўйича маслаҳатлар, шаръий масалалар ечими юзасидан тавсиялар ва моддий ёрдам сўраганларга белгиланган тартибда кўмак берилди.
Мана шундай самимий қабул ва ғамхўрликдан мамнун бўлган фуқаролар Ўзбекистон мусулмонлари идораси раҳбарияти томонидан кўрсатилган эътибордан кўнгиллари шод бўлишиб, хайрли дуолар қилишди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 