15 Август, 2025, 21 Сафар, 1447
15 Август, 2025, 21 Сафар, 1447
Жорий йил 17-18 октябрь кунлари Термиз шаҳрида “Имом Термизий илмий меросининг ислом цивилизациясида тутган ўрни” мавзусида нуфузли халқаро илмий анжуман ўтказилади.
Анжуман ишида Туркия, Қатар, Миср, Бирлашган Араб Амирликлари, Ҳиндистон, Қирғизистон каби дунёнинг 10 га яқин мамлакатларидан 50 дан ортиқ нуфузли халқаро ташкилот раҳбарлари, дин арбоблари, муфтийлар ва таниқли уламолар иштирок этади.
Муҳим масалаларнинг асл моҳиятини очиб беришга қаратилган анжуман 17 октябрь куни Имом Термизий халқаро илмий-тадқиқот марказининг анжуманлар залида ўз ишини бошлайди.
Анжуман 4 та шўъбага бўлинган ҳолда ўтказилади.
Анжуманнинг иккинчи кун иштирокчилар Имом Термизий ва Ҳаким Термизий зиёратгоҳларига ҳамда Сурхондарё вилоятининг диққатга сазовор қадамжоларига ташрифи кўзда тутилган.
Хабар берганимиздек, Саудия Арабистонида Подшоҳ Абдулазиз номидаги Қуръони карим ҳифзи, қироати ва тажвиди бўйича 45-халқаро мусобақа бўлиб ўтмоқда.
Мусобақанинг “Ҳифз” йўналишида “Кўкалдош” билим юрти талабаси Шукурбек қори Шуҳратбеков ва “Қуръони каримнинг 15 жузини тажвид билан ёддан ўқиш” йўналишида эса “Саййид Муҳйиддин махдум” билим юрти талабаси Достонбек қори Содиқов иштирок этмоқда.
Қориларимиз мазкур мусобақанинг саралаш босқичидан муваффақиятли ўтиб, якуний босқичга этиб келди.
Бугун Тошкент вақти билан 18:30 да юртимиз вакиллари мусобақанинг якуний босқичида иштрок этади.
Аллоҳ таолодан Ватанимиз шаънини ҳимоя қилаётган қориларимизга муваффақият сўраймиз.
Мусобақани қуйидаги линк орқали онлайн кузатишингиз мумкин: https://www.youtube.com/watch?v=S9itwRapjlI
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 