Шу йилнинг 15-16 октябрь кунлари юртимизда бўлиб ўтадиган “Ислом – тинчлик ва эзгулик дини” мавзуидаги халқаро конференцияга тайёргарлик ишлари ниҳоясига етди.

Ушбу халқаро конференцияга бир неча ҳамкор ташкилотлар томонидан қизғин тайёргарлик кўрилиб, анжуман иши учун барча шароитлар ҳозирланди. Дарвоқе, асосий мулоқот майдони бўлган пойтахтимиздаги “Hilton” мажмуасининг анжуманлар зали халқаро конференция ўтказиш учун шай қилиб қўйилди.
Конференция иштирокчиларини кутиб олиш, меҳмонхоналарни жойлаштириш, уларни халқаро анжуманга оил ахборотлар билан таъминлаш, шунингдек, меҳмонларни пойтахтимиз ва Хоразм вилоятининг диққатга сазовор манзиллари билан таништириш каби ташкилий ишларга алоҳида эътибор қаратилди. 

Мартабали меҳмонлар учун сўнгги йилларда юртимизда амалга оширилган диний-маърифий ўзгаришлар ҳақида ўзбек, инглиз, рус ва араб тилларида рисола, анжуманнинг мазмун моҳияти тўғрисида буклет ва эсдалик совғалари тайёрланди. 

Айни кунларда мазкур конференция ҳақида матбуот ва оммавий ахборот воситаларида ҳамда ижтимоий тармоқларда мунтазам чиқишлар ташкил қилиняпти. 

Бу каби саъй-ҳаракатлар юртимизга меҳмон бўлиб келган турли мамлакатлар вакилларида ёрқин таассурот қолдиради.

 Ўзбекистон мусулмонлари идораси Матбуот хизмати