27 Ноябр, 2024, 26 Жумадул аввал, 1446
27 Ноябр, 2024, 26 Жумадул аввал, 1446
Хитойнинг Цинхай провинсиясидаги масжидда намойиш этилаётган Хитойнинг энг қадимий Қуръон нусхаси ҳар куни 6000 га яқин зиёратчини ўзига жалб қилади, дея хабар беради ИҚНA сайти.
Ушбу Қуръон қўлёзмаси тахминан ХI-ХIII асрларга тўғри келади. Ушбу нусха 867 саҳифадан иборат бўлиб, 30 қисмга (жуз) бўлинган ва тахминан 13 килограмни ташкил қилади. 2007 йилда ушбу Қуръон мутахассислар ва рассомлар томонидан қайта тикланди ва шундан бери у намлик, ҳарорат ва кислород миқдори назорат қилинадиган шиша шкафда сақланмоқда.
867 саҳифадан иборат бу қадимий Қуръон икки қисмга бўлинган бўлиб, бир қисми ипак билан қопланган.
Aйтишларича, бундан 700 йил аввал “Салёр” халқининг аждодлари Ўрта Осиёдан Хитойга ҳижрат қилиб, сиёҳ билан ёзилган ушбу Қуръонни олиб келганлар. Бу кишилар охир-оқибат “Жиези” деб аталган ва уларнинг Қуръони дунёдаги энг қадимги Қуръон қўлёзмаси ҳисобланади. Ҳар куни 6000 га яқин киши, аксарияти Цинхай ва қўшни Гансу провинциясида истиқомат қилувчи мусулмонлар Қуръоннинг ушбу нусхасини кўриш учун “Жиези” масжидига келишади.
Ўзбекистон мусулмонлари идораси
Матбуот хизмати
Ўзбекистон мусулмонлари идораси раҳбариятининг аҳоли билан самимий мулоқоти кўплаб муаммоларни ҳал этишда муҳим омил бўлмоқда.
Бугун, 27 ноябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари фуқароларни қабул қилиб, уларнинг мурожаат, арз ва таклифларини эшитдилар.
Қабул чоғида улар томонидан кўтарилган масжидлар ҳолати, имом-хатиблар фаолияти, оилавий масалалар, диний таълим, китоб тақдимоти ҳамда моддий ёрдам олиш сингари масалаларнинг аксарияти ижобий ҳал этилди.
Жумладан, оилавий муносабатларда келганларга муаммолар ечими бўйича маслаҳатлар, шаръий масалалар ечими юзасидан тавсиялар ва моддий ёрдам сўраганларга белгиланган тартибда кўмак берилди. Масжид ва имомлар фаолияти, диний таълимга оид мурожаатлар кўриб чиқиш учун идора бўлимларига тегишли вазифалар юкланди.
Мана шундай самимий қабул ва ғамхўрликдан мамнун бўлган фуқаролар Ўзбекистон мусулмонлари идораси раҳбарияти томонидан кўрсатилган эътибордан кўнгиллари шод бўлишиб, хайрли дуолар қилишди.
Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа