Қишга тайёргарлик масалалари муҳокама этилди
Жорий йилнинг 21 октябрь куни Ўзбекистон мусулмонлари идорасининг Наманган вилоят вакиллигида вилоят бош имом-хатиби Мусохон домла Аббасиддинов раҳбарлигида куз-қиш мавсумига тайёргарлик масалалари бўйича Наманган шаҳар ва туманлар бош имом-хатиблари иштирокида йиғилиш ўтказилди.
Унда вилоят масжидларида намозхонлар учун қулай шароитлар яратиш, куз-қиш мавсумига тайёргарлик кўриш ва ёнғин хавфсизлигини таъминлаш юзасидан тавсия ва кўрсатмалар берилди.
Наманган вилояти вакиллиги
Матбуот хизмати
Қиёмат куни улар учун даҳшатли эмас!
Қиёмат куни баъзилар ўйлаганидек даҳшатли эмас, балки у Кун аҳдига содиқ бўлган ва ўша Кун учун амал қилганлар учун ажойиб ва гўзал кун бўлади: “Уларни буюк даҳшат маҳзун қилмас” (Анбиё сураси, 103-оят).
Улар қайта тирилганларида ва фаришталар уларни кутиб турганини кўрганларида, у Кун ажойиб кун бўлади: “Фаришталар уларни: «Бу сизларга ваъда қилинган кунингиздир», – дея кутиб олурлар” (Анбиё сураси, 103-оят).
Улар шодликдан бутун оламга жар солганда у Кун ажойиб кун бўлади: “Мана, менинг китобимни ўқиб кўринглар!” (Ҳааққо сураси, 19-оят).