Терроризм ва ёшлар
Қўқон шаҳрида "Жаҳолатга қарши маърифат" шиори остида умумпрофилактик тарғибот тадбири ўтказилди
Бирлашган Миллатлар Ташкилоти аксилтерроризм марказининг маълумотларига кўра, терроризм дунёдаги турли мамлакатлардаги ёшларни ўз оғушига тортиб келмоқда ва ушбу масала инсониятни ўйлантириб келаётган глобал муаммо.
Қўқон давлат педагогика институтида талабалар ва устозлар, маънавият тарғиботчилари, имом хатиблар, отинойилар иштирокида ўтказилган семинарда бутун жаҳонда долзарб бўлиб турган ушбу муаммо билан боғлиқ Ўзбекистонда мавжуд хавф-хатарлар, радикал, экстремистик ташкилотларнинг асл мақсади таҳлил этилиб, уларга қарши кураш бўйича услубий тавсиялар ва маслаҳатлар берилди.
Тадбирда иштирок этган Қўқон шаҳар ҳокими Маъруфжон Усмонов мамлакатимизда давлатимиз раҳбари раҳнамолигида амалга оширилаётган тинчликпарвар ва халқпарвар сиёсат, ёшларнинг салоҳиятини намоён этиш учун яратилган кенг имкониятлар хусусда фикр юритди, деб хабар беради шаҳар ҳокимлиги ахборот хизмати ўз телеграм каналида.
“Жаҳолатга қарши маърифат” мавзусида ташкил этилган кўргазмада тадбир иштирокчилари бўлган ёшлар мамлакат тасвирий санъат усталарининг терроризм ва экстремизмга қарши ғояларни тарғиб этувчи кўргазма билан ҳам танишдилар.
Муҳаммаджон Обидов,
ЎзА мухбири
Ҳар бир мурожаат ортида инсон тақдири бор (фотолавҳа)
Ўзбекистон мусулмонлари идораси томонидан йўлга қўйилган очиқ ва самимий мулоқот тизими фуқаролар мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
Бугун, 26 август куни Ўзбекистон мусулмонлари идораси раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг таклиф ва мурожаатларини тинглади.
Юзма-юз мулоқот жараёнида масжидлар ҳолати ва фаолияти, имом-хатиблар иши, ҳаж ва умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид қатор масалалар кўриб чиқилди.
Мурожаатларнинг аксарияти жойида ижобий ҳал этилган бўлса, қўшимча ўрганиш талаб қиладиган масалалар юзасидан тегишли мутасаддиларга аниқ кўрсатмалар берилди.
Эслатиб ўтамиз, бу каби очиқ мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни мунтазам ўтказиб келинмоқда.
Ўзбекистон мусулмонлари идораси
Матбуот хизмати
