Сайт тест ҳолатида ишламоқда!
04 Август, 2025   |   10 Сафар, 1447

Тошкент шаҳри
Бомдод
03:49
Қуёш
05:21
Пешин
12:34
Аср
17:30
Шом
19:41
Хуфтон
21:05
Bismillah
04 Август, 2025, 10 Сафар, 1447

Ёш боланинг савоби ота-онасига ёзиладими?

18.11.2024   4061   1 min.
Ёш боланинг савоби ота-онасига ёзиладими?

Cавол: Одамлар орасида балоғатга етмаган ёш боланинг яхши амаллари савоби ота-онасига ёзилади деган гап бор. Шу гап тўғрими?

Жавоб: Бисмиллаҳир Роҳманир Роҳийм. Бу ҳақда “Эълоус сунан” китобида бундай дейилади: “Тўрт мазҳаб имомлари ёш бола қилган тоатлари учун савоб олиши ва бу учун унга яхшиликлар ёзилишига иттифоқ қилишган. Аммо унинг савоблари фақат ўзига бўладими ёки унинг ажри камаймаган ҳолда ота-онасига ҳам ёзиладими деган масалада турли фикр айтиб, далиллар келгани учун иккинчи фикр (ота-онага ҳам савоб бўлиши)ни устун кўришган”.

Пайғамбаримиз соллаллоҳу алайҳи васалламнинг қуйидаги ҳадислари ҳам буни қўллайди: “Инсон вафот этганда унинг амали тўхтайди, фақат уч нарса туфайли унинг номаъи аъмолига савоб ёзиб турилади: Садақаи жория, фойдали илм, дуои хайр қилувчи солиҳ фарзанд” (Имом Муслим ривояти).

Демак, ҳар икки қарашга кўра ҳам фарзандларини яхшиликка йўллаган, чиройли таълим-тарбия берган ота-оналар савоб оладилар, Аллоҳ таолонинг фазли кенгдир. Валлоҳу аълам.

Ўзбекистон мусулмонлари идораси
Фатво маркази

Бошқа мақолалар

Қуръонни ҳажр қилманглар!

28.07.2025   9011   1 min.
Қуръонни ҳажр қилманглар!

Бисмиллаҳир Роҳманир Роҳийм

Қуръонни ҳажр (тарк) қилманглар

1. Агар: "...уни ўрнига қўйиб тиловат қиладиганлари....", каби бўла олмасангиз, (Бақара сураси, 121-оят). 

2. Ҳеч бўлмаса: "...ундан муяссар бўлганича қироат қилинглар", каби бўлинг. (Муззаммил сураси, 20-оят).

3. Агар унисини ҳам, бунисини ҳам йўқотсангиз: "...унга қулоқ солинглар ва жим туринглар...", каби бўлинг. (Аъроф сураси, 204-оят).