Аллоҳга ва охиратга иймон келтирган бўлсангиз
Алломаларимиз илмий меросини ўрганамиз: Имом Доримийнинг "Сунани Доримий" асари (4-қисм)
Муҳаддис Шамсуддин Заҳабий айтади: "Имом Доримийнинг асари ўз даврининг энг мукаммал ва ишончли ҳадис тўпламларидан саналган".
Қарши шаҳридаги "Хонақоҳ" масжидининг янги биносини қуриш бошланди
Қашқадарё вилоятида масжид ва муқаддас қадамжоларни обод этиш ҳамда янги маърифат масканларини барпо этиш бўйича хайрли ишлар изчил давом эттирилмоқда.
Ана шундай бунёдкорлик лойиҳаларидан бири сифатида Қарши шаҳридаги тарихий «Хонақоҳ» жоме масжидини янги биносини қуришга киришилди. Жорий йилнинг 3 август куни ушбу қурилиш ишларига бағишланган маросим бўлиб ўтди.
Тадбирда Ўзбекистон мусулмонлари идорасининг Қашқадарё вилояти вакили, вилоят бош имом-хатиби Раҳматилло домла Усмонов ҳамда маҳаллий нуронийлар иштирок этиб, янги бинонинг биринчи ғиштини қўйдилар.
Маросим якунида йиғилганлар юрт тинчлиги, эл фаровонлиги ва масжид қурилиши хайрли якунланишини тилаб дуо қилдилар.
Ўзбекистон мусулмонлари идораси
Матбуот хизмати
