18 декабрь “Халқаро араб тили куни”
Умар ибн Хаттоб розияллоҳу анҳу: “Араб тилини ўрганинглар, чунки у динингиздандир”, деганлар.
Шайх Саъид Камалий айтади: “Араб тили – Ўзининг Каломини сизларга етказиши учун Роббингиз танлаган тилдир. Шундай экан, у тилни ўзларингиздаги энг кичик, арзимас нарса каби тутиб олманглар”.
1. Дод тили. Чунки у дод ҳарфи билан дунёда ягона тил сифатида ажралиб туради.
2. 14 асрдан бери ўзгармайди ва муомаладан чиқмайди
3. 422 миллиондан кўпроқ одамлар араб тилида сўзлашади
4. Араб тилидаги сўзлар сони 12302912, инглиз тилидаги сўзлар сонидан 25 баравар кўп.
5. Араб тили 16 мингта лексик асосга эга, лотин тилида 700 тагина лексик асос бор.
6. Бошқа тиллар ҳам араб ҳарфлари билан ёзилади, худди: курдий тили, малай тили, собиқ турк тили ва форс тиллари каби.
7. Араб давлатлари жамиятини ташкил этувчи 22 давлатнинг расмий тилидир.
8. 2016 йилдан дунёда энг кўп тарқалган бешинчи тилдир.
Қашқадарёлик имомлар “Заковат»да беллашди
2026 йил 4 август куни Ўзбекистон Республикаси давлат мустақиллигининг 35 йиллиги муносабати билан Қашқадарё вилоятида фаолият юритаётган имом-хатиблар ва ноиб имомлар иштирокида “Заковат” интеллектуал беллашуви юқори савияда ташкил этилди.
Мазкур тадбирнинг асосий мақсади диний соҳа ходимларининг интеллектуал салоҳиятини юксалтириш, уларнинг билим ва тафаккурини янада бойитиш, шунингдек, мустақиллик байрамини маънавий-маърифий руҳда кенг нишонлашдан иборат бўлди.
Беллашувда шаҳар ва туманлардан ташриф буюрган жамоалар Ислом тарихи, фиқҳ, ақоид, маънавий-маърифий ҳамда китобхонлик йўналишлари бўйича берилган саволларга жавоб бериш орқали мантиқий фикрлаш, тезкорлик ва билимдонлик борасида ўзаро куч синашди.
Якунда Қарши шаҳри ва Нишон тумани вакилларидан иборат бўлган жамоа энг кўп балл тўплаб, биринчи ўринни қўлга киритди. Ғолиб ҳамда совриндор жамоалар ташкилотчилар томонидан диплом ва эсдалик совғалари билан тақдирланди.
ЎМИ Қашқадарё вилояти вакиллиги
Матбуот хизмати
