Сайт тест ҳолатида ишламоқда!
28 Декабр, 2024   |   27 Жумадул сони, 1446

Тошкент шаҳри
Бомдод
06:23
Қуёш
07:48
Пешин
12:30
Аср
15:20
Шом
17:04
Хуфтон
18:24
Bismillah
28 Декабр, 2024, 27 Жумадул сони, 1446
Янгиликлар

Фахрийлар кенгашининг келгуси фаолияти муҳокама қилинди

18.12.2024   2705   1 min.
Фахрийлар кенгашининг келгуси фаолияти муҳокама қилинди

Шу йил 16 декабрь куни Ўзбекистон мусулмонлари идорасида Фахрийлар кенгашининг навбатдаги мажлиси бўлиб ўтди. Унда Фахрийлар кенгаши янги таркибини тасдиқлаш, кенгашнинг ҳудудлардаги бўлинмаларини ташкил этиш, кенгаш фаолиятини янада кучайтириш ва бир қанча масалалар кўриб чиқилди.

Дастлаб Ўзбекистон мусулмонлари идораси тизимида меҳнат қилаётган ва нафақа ёшидаги фахрийларни давлат мукофотларига тавсия этиш масаласи муҳокама қилинди. Якунда кенгаш аъзоларидан муносиб  номзодлар тавсия этилиб, иштирокчилар томонидан бир овоздан қўллаб-қувватланди.

Йиғилиш давомида Фахрийлар кенгаши раиси Шайх Абдулазиз Мансур сўзга чиқиб, кенгаши таркибига Наманган вилояти вакиллиги тизимида узоқ йиллар хизмат қилган уламо Абдулҳай домла Турсунов номзодини киритишни тавсия қилиб, у кишининг динимиз равнақи йўлидаги хизматларини эътироф этдилар. Сўнгра Фахрийлар кенгаши аъзолигига Абдулҳай домла Турсунов номзоди тасдиқланди.  

Шунингдек, Фахрийлар кенгашининг ҳудудлардаги бўлинмаларани ташкил этиш масаласи муҳокама қилиниб, вилоятларда ҳам динимиз равнақига муносиб хисса қўшиб келаётган уламолар салмоқли экани қайд этилди. Ушбу лойиҳанинг ишга туширилиши ҳудудларда меҳнат қилаётган кўплаб фахрий имом-хатиблар ва дин пешволарини учун манфаатли бўлиши таъкидланди. 

Йиғилишда Фахрийлар кенгаши аъзолари йил давомида диний таълим муассасаларига ташриф буюриб, талабалар билан учрашувлар ўтказгани, бу  тингловчиларда катта таассуротлар қолдиргани таъкидланиб, келгусида бундай суҳбатларни кўпайтириш ва Фахрийлар кенгаши фаолиятини янада жадаллаштириш лозимлигига урғу қаратилди. 

Мажлис якунида мазкур масалалар юзасидан тегишли қарорлар қабул қилинди.

 

Ўзбекистон мусулмонлари идораси
Матбуот хизмати

Фахрийлар кенгашининг келгуси фаолияти муҳокама қилинди Фахрийлар кенгашининг келгуси фаолияти муҳокама қилинди Фахрийлар кенгашининг келгуси фаолияти муҳокама қилинди Фахрийлар кенгашининг келгуси фаолияти муҳокама қилинди Фахрийлар кенгашининг келгуси фаолияти муҳокама қилинди Фахрийлар кенгашининг келгуси фаолияти муҳокама қилинди
Ўзбекистон янгиликлари
Бошқа мақолалар

Заҳарли ўқдан сақланинг!

25.12.2024   1741   4 min.
Заҳарли ўқдан сақланинг!

Авратга қараш ҳам зинонинг бир туридир. Эркакнинг, аёлнинг авратига қарайдиган кимсаларга қандай жазо берилиши қуйидаги оятларда айтилган:

«(Мўминлар) Аллоҳдан бошқа ҳеч қандай илоҳга ибодат қилмайдилар; Аллоҳ (ўлдиришни) ҳаром қилган жонни ноҳақ ўлдирмайдилар; зино қилмайдилар. Ким бу ишларни қилса, уқубатга дучор бўлади. Қиёмат куни уларнинг азоби бир неча баробар кўпайтирилади, улар у ерда хор бўлиб, абадий қолади. Ким тавба қилса, иймон келтириб, солиҳ амал қилса, Аллоҳ ўшаларнинг ёмонликларини яхшиликларга алмаштиради. Аллоҳ мағфиратли, раҳмли Зотдир» (Фурқон сураси, 68-70-оятлар).

Мана шу оятга кўра, ким кўзи билан зино қилса-ю, тавба қилмаса, Қиёматда уқубатга дучор бўлади. Уқубат жаҳаннамдаги бир водий бўлиб, у ерда зинокорлар азобланади. Кимки зинокорлар водийсига тушадиган бўлса, унинг учун азоб кўпроқ бўлади, у ерда хор бўлиб, абадий қолиб кетади.

 

Заҳарли ўқдан сақланинг!

Пайғамбаримиз соллаллоҳу алайҳи васаллам ҳадиси қудсийда бундай деганлар: «(Номаҳрамга) қараш иблиснинг заҳарли ўқларидан биридир. Ким бу ишни Мендан қўрқиб тарк қилса, бунинг ўрнига қалбига ҳаловат бераман» (Имом Ҳоким ривояти).

 

Оддий ўқ билан заҳарланган ўқнинг фарқи

Оддий ўқ баъзан тегса ҳам, инсонни ўлдирмайди, фақат теккан жойигагина зарар етказади. Заҳарли ўқ эса салгина силаб ўтса ҳам, заҳари бутун танага тарқаб кетади. Тезда чораси кўрилмаса, одамни ўлдиради. Бундай ўқ текканда заҳар бутун танага тарқаб кетмагунича унинг таъсири сезилмай туради.

Бировнинг авратига қараш ҳам ўша аврат эгасига зарар берадиган заҳарли ўқдир. Бундай ўқ инсонга тегса, у билан бирга бутун танага тарқаб кетадиган кучли заҳар ҳам санчилади. Натижада инсоннинг руҳий ҳолати остин-устин бўлади, ибодатларига, дарсларига салбий таъсир қилади, оилавий алоқаларини бузиб, барбод қилади. Заҳар (назар) қанчалик оддий бўлмасин, барибир танага тарқаб, таъсири узоқ вақтдан кейин бўлса ҳам юзага чиқади. Демак, мактабда ҳам дугонасининг авратига қараш – заҳарли ўқдир. Хонанда ва раққосаларнинг авратларига қараш – заҳарли ўқдир. Барча ҳаром нарсаларга қараш ҳаромдир. Бу заҳарли ўқларнинг таъсири бошида сезилмайди. Ҳаром нарсага қараб, йўлингизда давом этиб кетаверасиз, лекин бу қарашлар намозингизга, Қуръон ёд олишингизга, ўқишингизга ва оилавий муносабатларингизга сингиб, сиз сезмаган ҳолда буларнинг барчасини барбод қилади. Демак, кўзни ҳаромдан тийиш инсоннинг қалбига, танасига заҳар етиб боришидан асрайди.

 

Бир қиз айтади:

«Бўш вақтларимда роса сериал, кино кўрардим. Табиийки, ҳаммасида ҳаром нарсала (очиқ-сочиқ таналар, беҳаё саҳналар, уят сўзлар) бор эди. Ҳаромга қараш заҳарли ўқлигини, ким бу ишини Аллоҳдан қўрққани учун тарк этса, Аллоҳ унинг қалбига саодат ато этиишини билгунимча шундай юраверганман. Билганимдан кейин эса телефонга, интернетга билан қарайдиган бўла бошладим. Нималарни кўраётганимга, улар ҳаётимга қандай таъсир қилаётганига эътибор бера бошлаган эдим, ажойиб ҳолат бўлди. Ҳар гал беҳаё нарсаларни кўрганимда қалбимда қандайдир оғриқни ҳис қилардим – худди менга заҳарли ўқ теккандек бўларди. Кўзимни тийиб, ҳаромдан сақлана бошлаганимда эса бутунлай бошқа ҳолат бўлди. Бу сафар қалбим сурурга, хотиржамликка тўлди. Шундан кейин телевизор пульти мен учун фақат телевизорни эмас, балки қалбимнинг ҳолатини ҳам назорат қиладиган восита бўлиб қолди: беҳаёликни, бузуқликни кўрсатадиган каналларга олсам, қалбимда қайғу ва тушкунлик эшигини очган бўламан; лекин бошқа каналга олиб, ҳаромдан сақлансам, қалбимда бахт-саодат эшигини очган бўламан. Кўзимни ҳаромдан сақлаганим сари ҳаётим гўзаллашиб бораверди. Авваллари бирор куним кино ва сериалларсиз ўтмайдигандек эди, энди эса уларсиз мутлақо бахтли, покиза яшаяпман».

Абдуллоҳ Абдулмуътий, Ҳуда Саъид Баҳлулнинг
“Қулоғим сенда қизим” китобидан Ғиёсиддин Ҳабибуллоҳ,
Абдулҳамид Умаралиев 
таржимаси.