Financial Times ушбу мавзу бўйича кўплаб тадқиқотларни таҳлил қилган ҳолда шундай хулосага келди.

Жаҳон соғлиқни сақлаш ташкилоти ва Халқаро меҳнат ташкилотининг ҳисоб-китобларига кўра, ҳар йили руҳий тушкунлик ва ташвиш туфайли 12 миллиард иш куни йўқотилади. Бу эса жаҳон иқтисодиётига 1 триллион доллар зарар келтиради.

Руҳий саломатликнинг ёмонлашув жараёни COVID-19 пандемияси билан кучайди, дейилади мақолада. Қайд этилишича, 2020-2021 йилларда дунёда депрессия ҳолатлари 25 фоизга ошган. ЖССТ одамларнинг руҳий саломатлиги бугунги кунга қадар 2019 йил даражасига қайтмаганини айтмоқда.

Deloitte тадқиқотлари шуни кўрсатадики, руҳий саломатлик муаммолари бизнесда, айниқса, молия ва суғурта соҳасида ишлайдиган одамлар орасида кенг тарқалган.