24 Июл, 2025, 29 Муҳаррам, 1447
24 Июл, 2025, 29 Муҳаррам, 1447
Шу йил, 18 декабрь куни ЎМИ Фарғона вилояти вакиллигида шаҳар-туман бош имом-хатиблари иштирокида йиғилиш бўлиб ўтди. Уни вилоят бош имом-хатиби Убайдуллоҳ домла Абдуллаев олиб борди. Мажлисда жорий йил давомида соҳа ходимлари томонидан амалга оширилган ишлар таҳлил қилинди.
Йиғилишда имомлар томонидан кўплаб ижобий ишлар амалга оширилаётгани, халқимиз диний эҳтиёжини қондириш ва хайрия ишларини кенг кўламда адо этаётганлари эътирорф этилди.
Шу билан бирга айрим имом-хатиблар фаолиятида камчиликлар кўзга ташланаётгани, улар ўзларини ислоҳ қилиши зарурлиги қайд этилди. Улар ўз устиларида ишлаши, билим ва кўникмаларини орттириши, тажрибали имомлар ёш имомларни ҳар жиҳатдан қўллаб-қувватлаши, ижтимоий-маънавий муҳит барқарорлигини таъминлашда фаол бўлиши ҳамда имомлар жамиятда намуна бўлиши лозимлиги таъкидланди.
Шунингдек, Давлат раҳбари раислигида ижтимоий ҳимоя соҳасидаги ишлар натижадорлиги ва 2025 йил учун устувор вазифалар муҳокамаси юзасидан ўтказилган йиғилишда Муфтий ҳазратлари томонларидан айтилган фикрлар эътироф этилиб, одамлар қалбига хурсандчилик олиб кириш, муҳтож ва қийналганга ёрдам бериш улкан савоб эканини билдириш баробарида имом-хатиблар бу борада ҳам фаол ва намуна бўлиши зарурлиги таъкидланди.
Йиғилиш сўнггида келгуси режалар бўйича фикрлар алмашилиб, 2025 йилги ишлар белгилаб олинди.
Фарғона вилояти вакиллиги
Матбуот хизмати
Савол: Ўқилган намозимдан кўнглим тўлмади. Шу намозни қайта ўқишим керакми?
Жавоб: Бисмиллаҳир Роҳманир Роҳийм. Бу масаланинг бироз тафсилоти бўлиб, унга кўра намоз қуйидаги ҳолатларда қайта ўқилиши лозим:
• Намозда бирор фарз амал бажарилмай қолиб кетган бўлса;
• Намозда бирор вожиб амал қасддан бажарилмай қолиб кетса;
• Намозда бирор вожиб амал унутиб бажарилмаса ва намоз охирида саждаи саҳв ҳам қилинмай тугатилган бўлса.
Агар намозда суннат амаллар тарк қилинган бўлса ёки намоз макруҳлик билан ўқилган бўлса, у ҳолда намозни қайта ўқиш вожиб эмас, балки мустаҳаб (чиройли саналган) иш ҳисобланади. Ушбу ҳолатда қайтадан ўқимаса ҳам гуноҳкор саналмайди.
Саволда сўралган ҳолатга келсак, кўнгил тўлмаслиги юқорида санаб ўтилган фарз ёки вожиб амал тарк қилинган ҳолатлар сабабли бўлса, намоз қайта ўқилиши керак. Аммо ҳақиқатда собит бўлмаган шубҳа-гумонлар, васвасалар сабабли кўнгил тўлмаётгандек бўлса, у ҳолда намозни қайта ўқилмайди. Чунки кўп ҳолларда “кўнглим тўлмаяпти”, деб намозни қайта-қайта ўқийвериш инсонни ўзига бўлган ишончини йўқотади ва васваса касалига чалинишига олиб келади.
Шундай экан, намозда бажариладиган фарз, вожиб, суннат амаллар ҳақида яхши ўрганиш, энг асосийси турли хаёлларга чалғимасдан намозни эътибор билан адо этиш лозим бўлади. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа