Шу йил, 18 декабрь куни ЎМИ Фарғона вилояти вакиллигида шаҳар-туман бош имом-хатиблари иштирокида йиғилиш бўлиб ўтди. Уни вилоят бош имом-хатиби Убайдуллоҳ домла Абдуллаев олиб борди. Мажлисда жорий йил давомида соҳа ходимлари томонидан амалга оширилган ишлар таҳлил қилинди.
Йиғилишда имомлар томонидан кўплаб ижобий ишлар амалга оширилаётгани, халқимиз диний эҳтиёжини қондириш ва хайрия ишларини кенг кўламда адо этаётганлари эътирорф этилди.
Шу билан бирга айрим имом-хатиблар фаолиятида камчиликлар кўзга ташланаётгани, улар ўзларини ислоҳ қилиши зарурлиги қайд этилди. Улар ўз устиларида ишлаши, билим ва кўникмаларини орттириши, тажрибали имомлар ёш имомларни ҳар жиҳатдан қўллаб-қувватлаши, ижтимоий-маънавий муҳит барқарорлигини таъминлашда фаол бўлиши ҳамда имомлар жамиятда намуна бўлиши лозимлиги таъкидланди.
Шунингдек, Давлат раҳбари раислигида ижтимоий ҳимоя соҳасидаги ишлар натижадорлиги ва 2025 йил учун устувор вазифалар муҳокамаси юзасидан ўтказилган йиғилишда Муфтий ҳазратлари томонларидан айтилган фикрлар эътироф этилиб, одамлар қалбига хурсандчилик олиб кириш, муҳтож ва қийналганга ёрдам бериш улкан савоб эканини билдириш баробарида имом-хатиблар бу борада ҳам фаол ва намуна бўлиши зарурлиги таъкидланди.
Йиғилиш сўнггида келгуси режалар бўйича фикрлар алмашилиб, 2025 йилги ишлар белгилаб олинди.
Фарғона вилояти вакиллиги
Матбуот хизмати
Савол: Пайғамбаримизни исмларини зикр қилинганда саловат айтиш керак. Қуръон ўқиганда исмларини қироат қилганда ҳам тўхтаб саловат айтиладими?
Жавоб: Бисмиллаҳир Роҳманир Роҳийм. Қуръони карим қироат қилинаётганда Расулуллоҳ соллаллоҳу алайҳи васалламнинг муборак исмлари келиб қолса, қироатни тўхтатмайди, тугатгандан кейин салавот айтиб қўяди. Уламолар мана шундай йўл тутиш афзал деганлар. Валлоҳу аълам.
Ўзбекистон мусулмонлари идораси
Фатво маркази.