31 Январ, 2025, 1 Шаъбон, 1446
31 Январ, 2025, 1 Шаъбон, 1446
Суҳбат давомида Ислом тушунчаси ва цивилизацияси халқаро институти директори Абдулазиз Бергҳоут Янги Ўзбекистондаги ислоҳотлар натижаларини юқори баҳолади.
Ушбу илмий муассаса Малайзияда алоҳида нуфузга эга институт бўлиб, бу ерда дунёнинг турли мамлакатларидан келган тадқиқотчилар ислом илм-фани, замонавий диний жараёнлар, қадимий қўлёзмаларга оид тадқиқотларни амалга оширади.
Таъкидлаш керакки, мазкур институт ўзининг ноёб архитектурага эга биноси билан Куала-Лумпур шаҳрида алоҳида ажралиб туради. У Испанияда жойлашган мусулмон меъморлигининг ноёб намунаси – Алгамбра (ал-ҳамро) асосида бунёд этилган. Бу ерда ислом илм-фанига оид минглаб қўлёзмалар сақланади. Улар орасида Беруний асарларининг қадимий нусхаларини кўриш мумкин.
Институт директори Ўзбекистондаги халқаро тадқиқот марказлари билан биргаликда давра суҳбатини ўтказиш таклифини билдирди.
Шунингдек, А.Бергҳоут ушбу институт имкониятларидан фойдаланиб, Малайзия илмий жамоатчилиги учун Ўзбекистоннинг қадимий ва бой тарихи, зиёрат туризми соҳасидаги салоҳияти ҳақида кўргазмалар, илмий семинарлар ва тақдимотлар ўтказиш истагида эканини таъкидлади.
Н.Усмонова, ЎзА
Бисмиллаҳир Роҳманир Роҳийм
- Қайси инсон энг кучли?
Жавоб берди: - Ўз нафсини жиловлай оладиган киши.
- Қайси инсон энг заиф?
Жавоб берди: - Овози баланд янграйдиган киши.
- Қайси инсон даҳо?
Жавоб берди: - У ҳақида икки киши ихтилоф қиладиган одам.
- Қайси инсон энг оддий?
Жавоб берди: - У ҳақида икки киши иттифоқ бўладиган одам.
- Қайси инсон энг оқил?
Жавоб берди: - Ҳис-туйғуларга мойил бўладиган одам.
- Қайси инсон девона?
Жавоб: берди: - Ўзини оқил деб даъво қиладиган одам.
- Қайси инсон ахмоқ?
Жавоб берди: - Ўзини ҳамма инсонлардан заковатли деб ҳисоблайдиган одам.
- Қайси инсон сергап?
Жавоб берди: - Бемаъни гапирадиган одам.
- Қайси инсон фасоҳатли?
Жавоб берди: - Сўзларини ихчам ва мазмунли қилиб гапирадиган одам.
- Қайси инсон олим?
Жавоб берди: - Маърифат тарқатадиган одам.
- Қайси инсон жоҳил?
Жавоб берди: - Билимсиз ҳолда маърифатни даъво қиладиган одам.
- Қайси инсон сахий?
Жавоб берди: - Ҳеч қандай миннат ва исрофсиз саховат қиладиган одам.
- Қайси инсон бахил?
Жавоб берди: - Бошқаларнинг ҳисобига яшайдиган одам.
- Қайси инсон ёзувчи?
Жавоб берди: - Қалби билан ёзадиган одам.
- Қайси инсон ростгўй?
Жавоб берди: - Аввало, ўзига нисбатан ростгўй бўлган одам.
- Қайси инсон ёлғончи?
Жавоб берди: - Шайтон ўзи билан ўзини алдаб қўйган одам.
- Қайси инсон нуқсонли?
Жавоб берди: - Ҳар қандай инсон.
- Қайси инсон комил?
Жавоб берди: - Комил зот фақатгина якка ва ягона Аллоҳ таолонинг Ўзи!
Ҳомиджон қори ИШМАТБЕКОВ
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 