Жаҳон ажойиботларидан бири Шақроф тоғ қўрғони, унинг жойлашуви шу қадар ноқулайки, унга етиб боришнинг ўзи мушкул иш. Қадимги яманликлар бу ерга қурилиш материалларини қандай олиб чиққанини тасаввур қилиш қийин.

Бу ажойиб қўрғон Яман пойтахти Санъо ғарбидаги Ҳараз ҳудудида жойлашган. Ушбу иншоот ҳатто ҳозирги замонавий техника ва ускуналари мавжуд бўлган ҳолатда ҳам қуриш жуда қийин бўлган бинолардан ҳисобланади. Чунки бу минтақанинг географик ва тоғли шароити жуда қийин.

Қадимги инсон бу ишни қандай уддалаган?

Қадимги яманликлар чекланган восита ва илғор технологияларсиз, фақат ўз ақли ва маҳоратига таяниб, Шақроф қўрғони каби муҳандислик мўъжизаларини яратишган. Бу буюк қўрғон сирлари билан Миср пирамидаларига тенг келадиган кашфиёт ҳисобланади.

Яман – цивилизациялар ўчоғи

“Яман ас-Саъид” (Бахтли Яман) деб аталган юрт турли цивилизация, дин ва маданиятларни бирлаштирган. Унинг ажойиб тарихий мероси Ғарбни илҳомлантириб, илғор яманликларнинг цивилизация, илм-фан, ихтиро, бунёдкорлик, деҳқончилик, астрономия ва денгизчиликдаги муваффақиятларини ўрганишга чорлаган.

Шақроф қўрғони инсоният иродаси ва заковатининг буюк намунаси ва у ҳалигача жуда кўп сирларни ўзида сақлаб келмоқда.

Интернет материаллари асосида

И.Аҳмедов тайёрлади.