Устозлар ибрати
Учтепа туманидаги 193-мактабда Ўзбекистон мусулмонлари идораси раисининг биринчи ўринбосари устоз Ҳомиджон домла Ишматбеков иштирокида “Жаҳолатга қарши маърифат” шиори остида аҳоли вакиллари, ёшлар ва хотин-қизлар иштирокида маънавий-маърифий тадбир ўтказилди.
Ушбу учрашувда дунёвийлик, ибодатда кўр-кўрона тақлиднинг салбий жиҳатлари ҳамда неъматлар шукри ила зиёда бўлиши ҳақида, шунингдек, фарзанд тарбияси оиладаги энг олий қадрият эканлиги ва ота-онанинг фарзандларга ўрнак ва ибрат бўлишидаги муҳим жиҳатларига тўхталиб ўтилди. Маъруза давомида фарзандларни ёт ғоялар таъсиридан сақлаш, уларни соғлом эътиқодли қилиб тарбиялашдаги ҳар бир ота-онанинг ўрни каби муҳим мавзуларда ҳам фикр-мулоҳазалар билдирилди.
Тадбир сўнгида аҳоли томонидан ижтимоий, ақидавий ҳамда мазҳабсизликнинг салбий оқибатларига доир берилган саволларга атрофлича жавоблар берилди.
@marifiymarkaz
Янги тайинланган имомлар учун ўқув-семинар ўтказилди
#xabar #seminar #imom #malaka
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуслари билан диний соҳа ходимларининг касбий салоҳиятини ошириш ва иш самарадорлигини юксалтириш мақсадида тизимли чора-тадбирлар амалга оширилмоқда.
Шу мақсадда 8–9 сентябрь кунлари Диний идоранинг Масжидлар билан ишлаш ҳамда Кадрлар бўлимлари ҳамкорлигида республикамиз бўйича янги лавозимга тайинланган 55 нафар имом-хатиб ва имом ноиблари учун икки кунлик ўқув-семинари ўтказилди.
Машғулотлар давомида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, Масжидлар билан ишлаш бўлими мудири Музаффар Камолов, Қуръони карим ва тажвидни ўргатиш бўлими мудири Шайх Алижон қори, шунингдек, Фатво маркази, Кадрлар билан ишлаш, Ички назорат бўлими мутасаддилари ўз йўналишлари бўйича маъруза қилдилар.
Хусусан, соҳа мутасаддилари томонидан муваффақиятли имом бўлиш омиллари, гўзал қироат ва тажвид қоидалари, шаръий масалаларга тўғри ёндашиш, фаолият самарадорлигини баҳолаш (KPI), қонун-қоидаларга қатъий риоя этиш, меҳнат муносабатлари ҳамда жамоат билан ишлаш кўникмалари юзасидан зарур амалий тушунтириш ва тавсиялар берилди.
Ўзбекистон мусулмонлари идораси
Матбуот хизмати
- «
- »