Ўқитувчи ва талабалар иштирокида йиғилиш ўтказилди
Бухоро шаҳридаги Ёшлар маркази мажмуасида Бухоро вилоятидаги олий ва ўрта махсус диний таълим муассасалари ўқитувчи ва талабалари иштирокида йиғилиш бўлиб ўтди.
Унда Бухоро вилояти ҳокими ўринбосари Азизбек Қаландаров, Дин ишлари бўйича қўмита бош мутахассиси Зулҳайдар Султонов, Ўзбекистон мусулмонлари идораси ходими Муҳаммадамин Насриев, Бухоро вилояти бош имом-хатиби, Мир Араб олий мадрасаси ректори Жобир Элов иштирок этди.
Тадбирда сўзга чиққанлар таълим тизимидаги долзарб масалалар, ёшларни ёт ғоялар таъсиридан асраш, ижтимоий тармоқдан тўғри фойдаланиш аҳоли ўртасида маънавий-маърифий муҳитни соғломлаштириш масалаларида нутқ сўзлади.
Айтиб ўтилган мавзулар юзасидан фикр-мулоҳазалар билдирилиб, тавсия ва таклифлар берилди.
Ўзбекистон мусулмонлари идораси
Матбуот хизмати
Фарғонада яна бир оғир беморнинг ҳолидан хабар олинди
«Вақф» хайрия жамоат фонди Фарғона вилояти филиалининг фидойи ходимлари ва волонтёрлари томонидан саховатпеша халқимиз томонидан қилинган хайр-эҳсонлар эзгу мақсадлар йўлида сарфланмоқда.
Навбатдаги хайрия тадбири доирасида Учкўприк туманида яшовчи, жигар циррози касаллигига чалинган оғир бемор Казаков Илёсжон Ёқубовичнинг ҳолидан хабар олиниб, унга жарроҳлик амалиёти харажатлари учун 132 миллион 500 минг сўм миқдорида хайрия маблағи, озиқ-овқат маҳсулотлари жамланмаси, Мусҳаф ва бошқа эҳсонлар топширилди.
Бугун беморлар ва эҳтиёжманд инсонларга кўрсатилаётган бундай кўмак — халқимизнинг меҳр-оқибати, саховати ва ҳамжиҳатлигининг ёрқин ифодасидир.
Ўзбекистон мусулмонлари идораси Матбуот хизмати
- «
- »