"Кўкалдош" ўрта махсус ислом билим юртида имконияти чекланган фуқаролар учун ташкил этилган "Қуръони карим ва тажвид" ўқув курсининг навбатдаги босқичи бошланди.

Таъкидлаш жоизки, билим юртида ушбу ўқув курси бир неча йилдан буён самарали фаолият юритиб келмоқда. Ўтган йиллар давомида минглаб тингловчилар бу даргоҳда Қуръони каримни тўғри ўқиш ва тажвид илмини ўрганишга муваффақ бўлишди. 

Давлатимиз томонидан яратилган шароитлар, мадраса раҳбарияти ва устозларининг тинимсиз саъй-ҳаракатлари натижасида мазкур муассаса Қуръон илмини ўрганувчилар учун ҳам юксак даражадаги илм масканига айланган. Айниқса, имконияти чекланган фуқаролар учун алоҳида шароитлар яратилгани таҳсинга сазовор. 

Тингловчиларга билим юрти томонидан "Муаллими соний" ва Қуръони карим ҳадя қилинди.

Ўзбекистон мусулмонлари идораси

Матбуот хизмати