Ҳамдардлик билдирамиз
Ўзбекистон мусулмонлари идораси жамоаси Жиззах вилояти, Шароф Рашидов тумани "Тоқчилик" жоме масжиди имом ноиби Ансориддин қори Мамарасуловнинг вафоти муносабати билан марҳумнинг оила аъзолари ва яқинларига чуқур таъзия изҳор этади.
Аллоҳ таоло марҳум қорини Ўз мағфиратига олсин, иймонларини саломат қилсин, солиҳ амалларини ўзларига ҳамроҳ этсин. Дин ривожи, халқ маърифати ва Ватан равнақи йўлида қилган барча хизматларини Аллоҳ қабул айласин!
Ҳақ таоло марҳум домланинг аҳли оиласи, фарзанду аржумандлари, сафдошлари, шогирдлари ва яқинларига чиройли сабр бериб, бу мусибатларини яхшиликлар ила тўлдирсин. Биз Буюк Парвардигордан дуо қилиб сўраймизки, марҳум олимни ўзининг чексиз раҳматига олсин, жаннат боғларига дохил этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Ансориддин қори Мамарасуловнинг оила аъзолари, ёр-биродарлари, сафдошлари ва яқинларига ҳамдардлик билдирамиз.
Жаноза намози бугун соат 16:00 да тумандаги Сайилжойи маҳалласи, Умид-Обод кўчаси, 51-уйда ўқилади.
Иннаа лиллааҳи ва иннаа илайҳи рожиъуун.
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».
Ўзбекистон мусулмонлари идораси
Бухорода кўзи ожиз болажонларга кузги кийимлар эҳсон қилинди
«Вақф» хайрия жамоат фонди Бухоро вилояти филиали томонидан саховатпеша ҳомийлар кўмагида Бухоро шаҳридаги 24-сон “Нурли маскан” кўзи ожиз болалар учун ихтисослаштирилган мактаб-интернатида хайрия тадбири ташкил этилди.
Тадбир давомида интернатда таълим олаётган болажонларга 120 дона кузги спорт кийимлари эҳсон қилинди.
Ушбу хайрия тадбири орқали болажонларнинг кузги мавсумни янада қулай ва хушкайфиятда қарши олишларига кўмаклашилди.
Ўзбекистон мусулмонлари идораси Матбуот хизмати