28 Феврал, 2025, 29 Шаъбон, 1446
28 Феврал, 2025, 29 Шаъбон, 1446
Жорий йил 24-25 февраль кунлари Ўзбекистон мусулмонлари идораси Фатво маркази директор ўринбосари Ғуломиддин Холбоев ва марказ бош мутахассиси Ҳикматилла Тоштемиров Туркия давлатида бўлиб, Турк давлатлари ташкилоти (ТДТ) Мусулмон диний идоралари Фатво ҳайъати тадбирида иштирок этишди.
“Мия ўлимига оид ҳукмлар”, “Аёлнинг маҳрамсиз сафар қилиши”, “Норасмий никоҳни бекор қилиш” каби масалаларнинг ечими мавзусида ўтказилган мазкур йиғилишда Ўзбекистон, Қозоғистон, Қирғизистон, Озарбайжон, Туркия уламолари, диншунослар, исломшунослар ҳамда журналистлар қатнашди.
“Аёлнинг маҳрамсиз сафар қилиши” мавзусида бошқа иштирокчилар қаторида Ўзбекистон мусулмонлари идораси Фатво маркази вакили Ғуломжон Холбоев ҳам сўзга чиқди.
Куннинг иккинчи ярмида “Норасмий никоҳни бекор қилиш” мавзуси кўриб чиқилиб, Ҳикматилла Тоштемиров бу мавзунинг кун тартибига келиш сабаблари, муаммолар ҳақида гапириб, сўзи охирида манбаларга таянган ҳолда унинг ечимини таклиф этди.
Шунингдек, “Мия ўлими билан боғлиқ масалалар” мавзусида ҳам вакилларимиз фаол иштирок этишди.
Ўзбекистон мусулмонлари идораси
Матбуот хизмати
Пойтахтимизнинг Учтепа туманида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков иштирокида "Жаҳолатга қарши маърифат" шиори остида аҳоли вакиллари, ёшлар ва хотин-қизлар иштирокида маънавий-маърифий тадбир ўтказилди.
Тумандаги 229-мактабнинг фаоллар залида ўтказилган ушбу учрашувда неъматлар шукри ила зиёда бўлиши, илм олишнинг қанчалик муҳимлиги тўғрисида сўз борди.
Маъруза давомида фарзандларни ёт ғоялар таъсиридан сақлаш, соғлом эътиқодли қилиб тарбиялашда ҳар бир ота-онанинг вазифалари ҳақида айтиб ўтилди.
Саволларга атрофлича жавоблар берилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 