13 Март, 2025, 13 Рамазон, 1446
13 Март, 2025, 13 Рамазон, 1446
Муборак Рамазон ойи муносабати билан Самарқанд вилояти бош имом-хатиби Аҳмадхон домла Алимов Пастдарғом туманида бўлиб, инсонпарварлик ва меҳр-мурувват ишларини амалга оширди.
Ташриф давомида турли миллат вакилларидан бўлган 4 нафар эҳтиёжманд оила ҳолидан хабар олиниб, уларга моддий ва маънавий кўмак кўрсатилди. Шунингдек, Рамазон ойининг фазилатлари, унинг сабр, бағрикенглик ва меҳр-оқибат ойи экани ҳақида тавсиялар берди.
Оилалар ташрифдан миннатдор бўлиб, бу каби эзгу ишлар жамиятимизда миллатлараро ҳамжиҳатликни янада мустаҳкамлашини таъкидлашди.
Бу хайрли тадбир Рамазон ойида эҳтиёжманд ва муҳтож инсонларга ёрдам бериш, мусулмончилик ва инсонпарварлик анъаналарини кенг ёйиш мақсадида амалга оширилди.
Ўзбекистон мусулмонлари идораси
Самарқанд вилояти вакиллиги
Матбуот хизмати
Шу йил 11 март куни Рамазон ойи муносабати билан Мингбулоқ туманидаги "Шодиёна" тантаналар мажмуасида ифторлик дастурхони ёзилди.
Муҳтарам Президентимизнинг "Муборак Рамазон ойини муносиб тарзда ўтказиш тўғрисида"ги қарорига биноан бу йилги қутлуғ ой "Рамазон – саховат, бирдамлик ва бағрикенглик ойи" шиори остида ўтказилмоқда.
Наманган вилояти бош имом-хатибининг биринчи ўринбосари Обидхон домла Икрамов, Ижтимоий ҳимоя миллий агентлиги Наманган вилоят бошқармаси раҳбарлари бошчилигида Мингбулоқ туманида истиқомат қилувчи ногирон, боқувчисини йўқотган, кам таъминланган, ижтимоий ҳимояга муҳтож фуқоролар ва турли конфессия вакилларига мурувват кўрсатилиб, ифторлик дастурхони ёзилди.
Дуога қўл очган ҳамюртларимиз юртга тинчлик-омонлик сўрадилар.
Ўзбекистон мусулмонлари идораси
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа