21 Июл, 2025, 26 Муҳаррам, 1447
21 Июл, 2025, 26 Муҳаррам, 1447
Шу йил 6 февраль куни вилоят бош имом-хатиби Аҳмадхон домла Алимов “Очиқ эшиклар” куни муносабати билан фуқароларни қабул қилди. Турли масалалар юзасидан мурожаат қилган кишиларнинг саволлари диққат билан тингланиб, уларга атрофлича жавоблар берилди.
Шунингдек, вилоятимиздаги масжидларда ҳам имом-хатиблар томонидан фуқароларни қабул қилиш жараёнлари давом этмоқда. Бу эса жамоатчилик билан яқин мулоқотни мустаҳкамлаш, инсонларнинг савол ва муаммоларига ўз вақтида ечим топишга хизмат қилади.
Фуқаролар мурожаатига эътибор – жамият тараққиёти ва бирдамлигининг муҳим омилларидан биридир!
Ўзбекистон мусулмонлари идораси
Самарқанд вилояти вакиллиги
Матбуот хизмати
Бисмиллаҳир Роҳманир Роҳийм
Аллоҳ таоло айтади: "Уларни (Аллоҳнинг) Ўзи уларга танитган жаннатга киритур" (Муҳаммад сураси, 6-оят).
Имом Табарий раҳимаҳуллоҳ: "Жаннат аҳли жаннатдаги уйларини таниб олишади. Ҳатто бир киши жаннатда ўз уйига дунёдаги уйига келгани каби бориб олади", деди.
Ибн Касир раҳматуллоҳи алайҳи: "Яъни, улар жаннатда ўз манзилларини осон топадилар", деди.
Имом Қуртубий раҳимаҳуллоҳ: "Бу оят мўминларга берилган улуғ бир муждадир. Чунки дунёда улар сабр қилдилар, иймонларини мустаҳкам тутдилар. Энди жаннатда ўз маконларини Аллоҳнинг ҳидояти билан осонгина топадилар. Бу Аллоҳнинг уларга лутфидир", деди.
Аллоҳ таоло мўминлар ва тақводорларни Ўзи уларга тавсифлаб, таърифлаб берган жаннатга киритади. Бу жаннат улар учун аввалдан тайёрланган ва улар унда ўз манзилларини худди дунёдаги уйларини билгандек, осонгина топадилар.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 