21 Март, 2025, 21 Рамазон, 1446
21 Март, 2025, 21 Рамазон, 1446
Муҳтарам Президентимизнинг "Муборак Рамазон ойини муносиб тарзда ўтказиш тўғрисида"ги қарорига биноан бу йилги қутлуғ ой "Рамазон - саховат, бирдамлик ва бағрикенглик ойи" шиори остида ўтказилмоқда.
Бугун 16 март куни Наманган вилоят бош имом хатиби Мусохон домла ҳамда вилоятда фаолият кўрсатаётган имом хатиб ва имом ноиблари иштирокида Наманган вилоятининг учта ҳудудида Давлатабод, Уйчи, ва Чортоқ туманларида “Яшил макон” умуммиллий лойиҳаси доирасида кўчат экиш тадбири ташкил этилди. Тадбир давомида 1 гектар жойга 3500 тупдан ортиқ манзарали кўчатлар экилди.
Шу кунларда ўлкамизнинг турли ҳудудларида диний соҳа ходимлари “Яшил макон” умуммиллий лойиҳаси доирасида кўчат экиш ишларида фаоллик билан иштирок этмоқдалар. "Табиат – Аллоҳ таолонинг омонатидир" шиори остида кенг жабҳада ишлар амалга оширилмоқда.
Ўзбекистон мусулмонлари идораси
Наманган вилояти вакиллиги Матбуот хизмати
Муҳаммад ибн Башшор айтади, Абу Довуд Тоялисий бизларга деди, Абдурраҳмон ибн Абуззинод отасидан, у Абон ибн Усмондан ривоят қилиб бундай деди: Мен Усмон ибн Аффонни шундай деганини эшитдим, Расулуллоҳ саллаллоҳу алайҳи васаллам дедилар: “Қайси бир банда ҳар куни тонгда ва ҳар кечада “Бисмиллаҳиллазий лаа язурру маъасмиҳи шайун фил арзи ва лаа фис самааи ва ҳувассамийъул аълийм” деб уч марта айтса, унга ҳеч нарса зарар етказа олмайди”.
Абоннинг бир томони фалаж бўлган эди. Бояги киши унга қараб турган эди, Абон: нега қараяпсан? Мен сенга айтган ҳадис рост. Лекин мен ўша куни ўша дуони ўқимаганим учун Аллоҳ пешонамдаги дардни берди, деди.
Бу ҳадис ҳасан саҳиҳ ғариб.
Имом Термизийнинг “Сунан Термизий” китоби, 13-боб. Тонг отганда ва кеч кирганда ўқиладиган дуо ҳақида. 3388-ҳадис.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 