Ёшлар онгини ҳимоялаш йўлида
Жорий йилнинг 27 март куни Мир Араб олий мадрасасида Жаҳолатга қарши маърифат мавзусида тадбир бўлиб ўтди. Унда Мир Араб ўрта махсус ислом таълим муассасаси ўқитувчи ва талабалари иштирок этишди.
Асосий маърузачи сифатида иштирок этган Ўзбекистон халқаро ислом академияси доцент, сиёсий фанлар доктори Бектош Бердиев бугунги кунда юзага келаётган радикаллашув жараёнлари, уларнинг ёшлар онгу-тафаккурига кўрсатаётган салбий таъсирлари, бугун ёшларимизни жамиятимизни ушбу салбий таъсирлардан ҳимоя қилишнинг вазифалари ва технологиялари ҳақида сўз юритди.
Ўзбекистон мусулмонлари идораси
Матбуот хизмати
Озарбайжонда муфтийлар анжумани бошланди
Бугун, 14 сентябрь куни Боку шаҳрида Туркий давлатлар муфтийлари кенгашининг навбатдаги VII йиғилиши ўз ишини бошлади.
Анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Кавказ мусулмонлари идораси раиси, Шайхулислом Аллоҳшукур Пошшозода, Туркия Диёнат ишлари бошқармаси раиси Сафи Арпагуш, Қозоғистон мусулмонлари диний бошқармаси раиси, бош муфтий Наврўзбай ҳожи Тағанули, Қирғизистон мусулмонлари диний назорати раиси, муфтий Абдулазиз қори Закиров ҳамда бошқа қардош ва хорижий давлатлар уламоларидан иборат нуфузли делегациялар иштирок этмоқда.
Ялпи мажлисда нутқ сўзлаган муфтийлар ўз маърузаларида қуйидаги устувор йўналишларга алоҳида эътибор қаратмоқдалар:
– Кенгаш қошидаги Фатво ҳайъати фаолиятини ривожлантириш, уммат учун зарур қўшма фатволар ишлаб чиқиш ва замонавий масалаларга шаръий ечим топиш;
– диний таълим муассасаларида устоз ва талабалар алмашинувини йўлга қўйиш, илмий-услубий лойиҳаларни амалга ошириш;
– экстремизм, терроризм, такфирчилик, исломофобия ва мазҳаблараро низо қўзғаш каби таҳдидларга қарши якдил маърифий курашни кучайтириш.
Шунингдек, Уламолар диний-маърифий соҳадаги ана шундай ҳамкорлик бутун Туркий дунё бирдамлигини мустаҳкамлашга хизмат қилишини таъкидладилар.
Анжуман давом этмоқда.
Ўзбекистон мусулмонлари идораси Матбуот хизмати
