Битирувчи курс талабалари тақсимоти кўриб чиқилди
Бугун, 10 апрель куни "Саййид Муҳйиддин махдум" ўрта махсус ислом таълим муассасасида битирувчи курс талабаларини иш жойларига тақсимлаш ишлари кўриб чиқилди.
Тадбирда Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов, масжидлар бўлими ходими Музаффар Жабборов, кадрлар бўлими ходими Абдуносир Бобомирзаев ҳамда Андижон вилояти бош имом-хатиби Мирзамақсуд домла Алимов иштирок этди.
Улар битирувчи курс талабалари билан суҳбатлашиб, зарурий тавсиялар беришди.
Ўзбекистон мусулмонлари идораси
Матбуот хизмати
Ҳар бир мурожаат ортида инсон тақдири бор (фотолавҳа)
Ўзбекистон мусулмонлари идораси томонидан йўлга қўйилган очиқ ва самимий мулоқот тизими фуқаролар мурожаатларини атрофлича ўрганиш ҳамда уларга тезкор ечим топишда муҳим омил бўлмоқда.
Бугун, 26 август куни Ўзбекистон мусулмонлари идораси раиси ўринбосари Зайниддин домла Эшонқулов навбатдаги фуқаролар қабулини ўтказиб, юртдошларимизнинг таклиф ва мурожаатларини тинглади.
Юзма-юз мулоқот жараёнида масжидлар ҳолати ва фаолияти, имом-хатиблар иши, ҳаж ва умра зиёратларини ташкил этиш, оилавий муносабатларни тартибга солиш ҳамда моддий ёрдам кўрсатишга оид қатор масалалар кўриб чиқилди.
Мурожаатларнинг аксарияти жойида ижобий ҳал этилган бўлса, қўшимча ўрганиш талаб қиладиган масалалар юзасидан тегишли мутасаддиларга аниқ кўрсатмалар берилди.
Эслатиб ўтамиз, бу каби очиқ мулоқот тадбирлари Диний идоранинг ҳудудий вакилликлари ҳамда юртимиздаги барча жоме масжидларда ҳар ҳафтанинг чоршанба куни мунтазам ўтказиб келинмоқда.
Ўзбекистон мусулмонлари идораси
Матбуот хизмати
