07 Май, 2025, 9 Зулқаъда, 1446
07 Май, 2025, 9 Зулқаъда, 1446
Учрашувда марказ биносидаги 14 та равоқдан охирги иккитаси учун мўлжалланган асарларнинг тайёрланиш жараёни муҳокама қилинди.
— Бу икки равоқ жуда ажойиб ва муҳташам яратилиши керак. Биз бугун муҳокама қилган Биринчи ва Иккинчи Ренессанс даври равоқлари гўзал ишланган, минг йиллик тарих ва маданиятимиз, алломаларимиз қиёфаси гавдаланган. Бугун шу равоқларнинг иккитаси ҳақида гаплашдик. Демоқчи бўлганим, 14 та равоқнинг барчаси бир-бирини тўлдириб бориши ва бир бутун композиция яралиши керак — деди, тарих фанлари доктори, профессор Жаннат Исмоилова.
Шунингдек, иштирокчилар томонидан Қуръони Карим залидан ўрин оладиган саккизта гилам масаласи ҳам кўриб чиқилди. Қуръон залига қўйиладиган гиламларни Қуръон оятларининг кетма-кетлиги бўйича жойлаштириш учун ўз маслаҳатларини беришди ва уларнинг мазмун-моҳиятига алоҳида тўхталишди.
Шунингдек, Ўзбекистон Республикаси Президентининг 29 январь куни ушбу марказга қилган ташрифи жараёнида билдирилган фикрлар, мулоҳазалар ва тавсиялари асосида охирги учта равоқ учун мўлжалланган ранг-тасвир асарларнинг мавзулари қайта кўриб чиқилган эди.
Мазкур асарларни яратиш учун махсус рассомлар гуруҳи ташкил этилган бўлиб, унга Ўзбекистон халқ рассоми, давлат мукофоти совриндори, академик Алишер Алиқулов раҳбарлик қилади.
Ишнинг машаққатли томонларидан бири шундаки, тарихий шахсларнинг қиёфасини яратишда илмий ва ижодий ёндашув талаб қилинади. Нафақат ташқи қиёфани шакллантириш балки ўша давр нафасини бериб турадиган санъат асари яратиш лозимлиги таъкидланди.
Cisc.uz
#Ноёб_фотолар
• Беш республика муфтийси Эшон Бобохон ибн Абдулмажидхон, диний назорат масъул котиби Зиёвуддинхон ибн Эшон Бобохон ҳамроҳлигида Ўрта Осиё ва Қозоғистон мусулмонлари II қурултойи делегатлари ҳамда Россия, Шимолий Кавказ ва Озарбайжондан келган уламолар Усмон мусҳафини зиёрат қилмоқда.
1948 йил, Тошкент
•Усмон ибн Аффон розияллоҳу анҳу халифалиги даврларида милодий 651 йили, ҳижрий 24 йили Қуръони Карим кийик терисига бир неча нусхада ёзилиб, Ислом оламининг марказий шаҳарларига юборилди. Мусҳафнинг расмда тасвирланган ўша қадимий табаррук нусхаларидан бири ҳозирги пайтда Ўзбекистон мусулмонлари идораси кутубхонасида сақланмоқда.
• Ҳазрати Усмон Мусҳафининг юртимизга келиб қолиши тарихи ҳақида турли ривоятлар бор. Ҳазрати Усмон мусҳафи дастлаб Самарқандга олиб келинган. Уни Амир Темур, Қаффол Шоший, Ҳазрати Усмоннинг куёвлари Саид олиб келган деган ривоятлар машҳур. Бу ҳақда Ўрта Осиё ва Қозоғистон мусулмонлари диний назорати раиси ўринбосарлари, таниқли олимлар Шайх Исмоил Махдум Саттиев, Шайх Юсуфхон Шокиров, шунингдек, Ҳамид Зиёев, Ҳабибуллоҳ Солиҳ ва бошқаларнинг фикрлари эътиборга лойиқ.
• Усмон мусҳафи руслар бостириб келгунга қадар ҳижрий 1285 йилгача Самарқандда турди.
•1869 йилнинг майида Туркистон бош губернатори Фон Кауфман буйруғи билан Самарқанд шаҳри ҳокими Серов воситачилигида ерли мусулмон уламолари розилиги билан Мусҳаф Санкт-Петербургга жўнатилди ва 1917 йилга қадар ўша ердаги кутубхонада сақланади.
• Ҳукуматнинг 1923 йил 25 июндаги қарорига кўра Усмон Мусҳафи Туркистон мусулмонларига 1924 йилда қайтарилди.
Мусҳафи шариф бирмунча вақт Тошкент масжидларида сақланди, сўнг Ўзбекистон халқлари тарихи музейига кўчирилди. 1989 йил 14 март куни Тошкентда бўлган мусулмонларнинг IV қурултойида Ўзбекистон ҳукумати қарори билан Мусҳафи Усмон Ўрта Осиё ва Қозоғистон мусулмонлари диний назорати ихтиёрига қайтариб берилди.
• Ҳозирда Мусҳаф Ҳазрати Имом мажмуасининг Мўйи муборак мадрасасидаги Ўзбекистон мусулмонлари идораси кутубхонасида сақланмоқда.
• Мусҳафни мўътадил табиий иқлим шароитида асрашга мўлжалланган махсус мослама Германиядан келтирилган. Ҳар йили бу нодир Мусҳафни минглаб ватандошларимиз ва хорижий меҳмонлар зиёрат қилишади.
t.me/muftiylaruz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 