18 Май, 2025, 20 Зулқаъда, 1446
18 Май, 2025, 20 Зулқаъда, 1446
Учрашувда масъуллар Марказ кутубхонаси фондини маҳаллий ва хорижий нашриётларда чоп этилган диний-маърифий, илмий-оммабоп, замонавий адабиётлар билан бойитиш бўйича фикр-мулоҳазаларини баён этди. Муҳокама марказига диний-маърифий йўналишдаги экспонатларнинг мазмуни, маълумотларнинг асосли эканлиги, уларни бойитиш ва такомиллаштириш бўйича илмий-тадқиқот марказларидан мутахассисларни жалб этиш, буюк аждодларимизнинг маданий меросларини оммалаштириш мақсадида уларнинг илмий-маърифий асарларнинг қўлёзма ва нашр нусхалари қўргазмасини ташкил этиш бўйича таклифлар билдирилди.
Янги Ўзбекистонда амалга оширилаётган диний-маърифий йўналишдаги ислоҳотлар ҳақида илиқ фикрлар айтилди. Ўзбекистондаги халқаро Ислом академияси ректори Марказ экспозициясини ташкил этишда самарали ишлар амалга оширилаётгани ҳақида сўз юритди:
— Ўзбекистондаги Ислом цивилизацияси маркази экспозицияси бўйича олдимизга устувор вазифалар қўйилган эди. Шу топшириқлар асосида соҳалар кесимида самарали ишлар қилинмоқда. Бунда Марказ экспозициясини бойитишда замонавий ёндашган ҳолда ишлар олиб борилмоқда. Бунда нодир китоблар ва қўлёзмалар рўйхати шакллантирилмоқда. Соҳавий янгиликлар ва кенг жамоатчиликка маълум бўлмаган манбаларни экспозиция учун тақдим этишни режалаштирганмиз. Умуман олганда, Марказ бунёд этилишида ҳисса қўшиш – бу катта ишонч ва масъулиятдир!
Учрашувда, шунингдек, Марказ катта илмий ходими Абдушукур Муратов лойиҳалар бўйича олиб борилаётган ишлар ҳақида ўз маърузаси билан қатнашди, ҳамкорлар, диний-маърифий йўналишда вилоятларда фаолият юритаётган ташкилотлар ва ҳамкорлар онлайн иштирок этиб, мавзу доирасида фикр-мулоҳазаларини билдириб ўтди.
cisc.uz
Бисмиллаҳир Роҳманир Роҳийм
Фитна – бу жамиятда ихтилоф, низо ва бузғунчиликка олиб келадиган омиллар мажмуасидир. Тарих давомида фитна турли кўринишларда – сиёсий қарама-қаршилик, диний зиддият ёки ижтимоий беқарорлик сифатида намоён бўлган.
Фитна жамият ривожига салбий таъсир кўрсатиб, муносабатларнинг бузилишига сабаб бўлади. Ижтимоий низолар одамлар ўртасида ишончни йўқотади, бу эса ҳамкорлик ва бирдамликка путур етказади. Масалан, сиёсий фитналар давлат институтига бўлган ишончни камайтириб, қонун устуворлигига халақит беради. Иқтисодий жиҳатдан, фитна савдо-сотиқ, инвестициялар ва ишлаб чиқаришнинг пасайишига олиб келади. Тарихдаги кўплаб мисоллар мавжуд бўлиб, фуқаролик урушлари, оммавий тартибсизликлар фитнанинг иқтисодий ва ижтимоий зарарларини кўрсатади.
Диний ёки мафкуравий фитналар эса жамиятдаги маънавий қадриятларга таҳдид солади. Бундай низолар одамларни гуруҳларга бўлиб, бир-бирига қарши қўяди, бу эса узоқ муддатли парокандаликка сабаб бўлади. Фитна кўпинча ёшларнинг радикаллашуви, ахлоқий бузилиш ва маънавий йўқотишлар билан боғланади.
Бақара сураси 217-оятида “Фитна қотилликдан ҳам оғир гуноҳдир”, 191-оятда “Фитна қотилликдан ҳам ёмондир” дейилган.
“Тафсири Ирфон”да, золим ва қонхўр кимсалар ҳамиша инсонлар, бутун-бутун қабилалар ўртасида фитна, нифоқ солиб, жамиятнинг тинч ҳаётини пароканда қилиши, фитна эса одамларни қатл қилишдан ҳам оғир жиноят экани айтилган.
Фитна конструктив йўналтирилиб, олди олинмаса, бузғунчилик ва беқарорликка сабаб бўлади. Имом Бухорий ва Муслим ривоят қилган ҳадисда, “Яқин орада фитналар бўлади. Ўша чоғда ўтириб олган одам тик тургандан яхшироқдир. Ўрнида жим тик турган эса юраётган одамдан яхшироқдир. Яёв юрган эса тез-тез юраётган одамдан яхшироқдир. Ким ўша фитналарга эътибор берса уни фитна ўзига тортиб кетади. Кимки қутулишга жой топа олса, ўша жойда фитнадан ҳимоялансин!”, дейилган.
Бу ҳадисда Расул алайҳиссалом фитнага аралашиб қолишдан қайтариб, ундан четда бўлиш йўлларини баён қилган. Фитнага қизиқмаслик, эътибор қилмаслик, қўшилмаслик билан ҳимояланишни тавсия қилганлар.
Фитнанинг зарарли таъсирини камайтириш учун жамиятда маърифат ва мулоқотни кучайтириш зарур. Таълим ва ахборот воситалари орқали одамларнинг танқидий фикрлаш қобилиятини ошириш, уларни фитна унсурларидан ҳимоя қилади. Давлат ва жамоат ташкилотлари эса адолатли қонунлар ва очиқ мулоқот орқали ишонч муҳитини шакллантиради.
Бундан ташқари, фитнанинг олдини олишда маънавий-ахлоқий тарбия муҳим ўрин тутади. Дини ва миллий қадриятларга асосланган тарбия одамларда бирдамлик ва ўзаро ҳурмат туйғусини мустаҳкамлайди. Ниҳоят, фитнага қарши курашишда ҳар бир фуқаронинг масъулиятли ва фаол иштироки муҳимдир.
Аллоҳ таоло Ҳужурот сураси 6-оятда “Эй иймон келтирганлар! Агар фосиқ хабар келтирса, аниқлаб кўринглар, билмасдан бир қавмга мусибат етказиб қўйиб, қилганингизга надомат чекиб қолманглар” деб фитнага сабаб бўлувчи гап-сўзларга кўр-кўрона эргашиб кетмасдан текшириб кўриш лозимлигини таълим берган.
Шундай экан, фитнани олдини олиш, фитна келтириб чиқарувчи сабабларни бартараф этиш, унга қарши курашиш жамиятнинг барча аъзолари учун умумий вазифадир.
Шермуҳаммад Болтаев,
Хоразм вилояти Шайх Қосим бобо жоме масжиди имом-хатиби.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 