11 Май, 2025, 13 Зулқаъда, 1446
11 Май, 2025, 13 Зулқаъда, 1446
Дин ишлари бўйича қўмита, Чилонзор туман ҳокимлиги ҳамда Маърифий тарғибот маркази ҳамкорлигида Чилонзор туманидаги 195-мактабда "Хўжа Аламбардор" жоме масжиди имоми Раҳимберди домла Раҳмонов иштирокида "Неъматлар шукри ила зиёда бўлади" мавзусида тарғибот тадбири ўтказилди.
Маъруза давомида шукр – бу фақат тил билан "шукр" дейиш эмас, балки неъматни ўз ўрнида ишлатиш, ношукрликдан сақланиш ва доимо миннатдорлик ҳисси билан яшаш кераклиги тўғрисида айтилди.
Шунингдек, жаҳолатнинг салбий оқибатлари ва унинг олдини олишда илм-маърифатнинг ўрни ҳамда Ислом динининг ҳақиқий моҳияти ва инсонпарварлик тамойиллари ҳақида тушунчалар берилди.
Бугунги даврда ёшларни жамиятга зид бўлган ёт ғоялардан асраш ҳақида тўхталиб ўтилди.
Тадбир сўнгида аҳоли томонидан берилган саволларга жавоблар берилди.
Хабар берганимиздек, бугун Бухоро шаҳридаги Мир Араб олий мадрасасида “Мотуридий таълимоти билимдони” интеллектуал беллашувининг Республика босқичи бошланди.
Мусобақада Ўзбекистон мусулмонлари идораси тасарруфидаги олий ва ўрта махсус ислом таълим муассасаларидаги саралашдан ўтган талабалар иштирок этмоқда.
Тадбир Қуръони карим тиловати ва хайрли дуолар билан бошланди.
Беллашув Имом Абу Мансур Мотуридийнинг илмий меросини чуқур ўрганиш ва уни тарғиб қилишга қаратилган. Иштирокчилар мотуридийлик таълимотининг асосий қоидалари ва ақидавий ечимлари бўйича ўз билимларини намоён этишмоқда.
Бу мусобақа — илм, маърифат ва соф эътиқодни мустаҳкамловчи муҳим воқелик!
Ўзбекистон мусулмонлари идораси
Бухоро вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 